News Feature

ሽሽት እና የአባዱላ ገመዳ ነገር | ክንፉ አሰፋ

ከሰሜን እና ከበስተ-ምስራቅ አቅጣጫ እየነፈሰ ያለው አውሎንፋስ መርከብዋን እያናጋት ይገኛል። ጫፍ ላይ ጉብ ያሉትን አስተናጋጆች እያንጠባጠበ የሚገፋው ሃይል እየበረታ መጥቶ፣ አሁን ከካፒቴኑ ቁጥጥር ውጭ የሆነ ይመስላል። ይህ ሁላችንንም የሚያስማማን መራራ ሃቅ ነው። ችግሩ እዚህ ላይ አይደለም። ግን… እየሰመጠ ካለው ከዚህ መርከብ ለማምለጥ የተገኘችውን ቀዳዳ እየተጠቀሙ የሚሾልኩትን ሁሉ “ጀግና” ብለን ለመጥራት እንደምን ይዳዳን?

ራስን ማዳን እና ሃገርን ማዳን፤ በሰማይና በምድር መሃከል ያለ ርቀትን ያህል የተለያዩ ነገሮች ናቸው።

ዘንግተነው ከሆነ ሟቹ ጠቅላይ ሚኒስትር ይህ ስራዓት “በስብሷል” ብሎ ከተናገረ 10 አመታት አልፈውታል። ከ 26 ዓመታት በኋላ ደግሞ እነሆ ህወሃት ከርፍቶ መርገፍ ጀመረ። ችግሮቹ ግን እጅግ እየተባባሱ እንጂ እየተሻሻሉ አልመጡም። ይህ ስርዓት ዛሬ እንደ ውሃ እና መብራት ያሉ መሰረታዊ የሆኑ የሰው ልጅ ፍላጎቶችን እንኳን ማሟላት ተስኖታል። “በመለስ ግዜ በፈረቃ፣ ደብረጽዮን ግዜ በደቂቃ” እያለ ከተሜው የስርዓቱን ቁልቁል እድገት የሚነግረን ያለ ምክንያት አይደለም።

ታዲያ በዚህ ሁሉ ረጅም ጉዞ አብረው ዘልቀው፣ አብረው በልተው፣ አብረው ጠጥተው፣ አብረው ዶልተው፣ አብረው ፈስተው፣ አብረው ሰርቀው፣ አብረው ዋኝተው፣ አብረው ቀልተው፣ አብረው አርደው፣ አብረው ቀብረው … አሁን ከድተናል ሲሉ በእርግጥ “ሃገርና ሕዝብን አስበው ነው? ወይንስ ራስን ለማዳን?” ብለን መጠየቅ ግድ ይለናል። ሃገርና ሕዝብ ለ26 ዓመታት እንደ አህያ ሲረገጡ እነዚህ ሰዎች መርከብዋ ውስጥ አብረው ነበሩ። እጃቸውን ሳይጠመዘዙ ከተዳሩበት የህወሃት የጋብቻ ትስስር በኋላ “ሰዎቹ አሜሪካ አገር ሲገቡ ውሉን ለምን አፈረሱት?” ብሎ የሚጠይቅ ብዙ አይታይም።

እናም የብርጋዴር ጀነራል መላኩ እና የአቶ ሃይለማርያም ፕሮቶኮል መኮብለል፣ “ሰበር ዜና” ብለን የምንጠራው ነገር ሊሆን አይችልም። የሰዓቱ መፍረድ እንጂ፣ የነዚህ ሰዎች ሽሽት ፈጽሞ አይጠቅምም ማለትም አይቻልም። ቢያንስ የፖለቲካ ትኩሳቱን የግለት መጠን ይነግረናል። ሰበር የምንለው ግን ጀነራል ሳሞራ የኑስ ወይንም አይቴ ደብረጽዮን ቢኮበልሉ ነበር።

ወትሮም ቤት የእግዚአብሄር፤ ቪላ ሁሉ የገብረ-እግዚአብሄር እየተባለ የሚተረትበት ሃገር፣ ባህር ማዶ ዘልቆ መጠለያ መፈለግ እንግዳ ነገር አይሆንም። ትግርኛ ተናጋሪ ያልሆኑ አገልጋዮች ሁሉ እንደ ብጻይ ደሳለኝ ከባዱን የሸክም ስራ ሰርተው ሲያበቁ፤ ደከሙ እንጂ ከዱ አይባልምም። የእነዚህን ቦታ በሌሎች ተሸካሚዎች ለመሸፈን፤ የ”ጥልቅ ተሃድሶ መተካካት” እንኳ የሚያሻ አይመስለኝም። እንደሰው ሳይሆን እንደ እንሰሳ ስለሚያዩዋቸው በመሄዳቸው ቅንጣት ያህል አይበርዳቸውም፣ ቅንጣት ያህልም አይሞቃቸውም።

እኛ ግን ሳምንቱን በሁለት ሰበሮች እያሟሟቅን አሳልፈን፤ በሳምንቱ መዝጊያ ላይ ደግሞ የአባዱላ “ሰበር” ዜና ማህበራዊውን ድረ-ገጽ አጨናነቅነው። በጉዳዩ ላይ ጽዮን ግርማ በአሜሪካ ድምጽ ራዲዮ ያቀረበችውን ዜና ልብ ብሎ ላዳመጠ፤ እዚያ ሰፈር አንድ የሚሸት ነገር እንዳለ ይገነዘባል። ከሽፈራው ሽጉጤ መርበትበት እስከ ስልክ ዘግቶ መሸሽ፣ በአንዱ አቅጣጫ የሚሰማው ነገር፣ ከሌላው ጋር መጣረዝ፣ ከስብሰባው ጋጋታ እስከሽምግልና መሯሯጥ፣… ሁሉ የሙቀቱ መጠን መለክያዎች ናቸው። ህወሃት ለክፉ ግዜ ብሎ ያስቀመጣት የሶማልያ ጥይትም የከሸፈችበት ይመስላል። አሁን ለርዓቱ እድሜ ማራዘምያ የቀረ ነገር የለም። ሁሉም ካርዶች ተመዝዘዋል። ይህ የመጨረሻው ካርድ ግን በክሽፈት ብቻ አላበቃም፤ ይልቁንም በራሱ በስርዓቱ ላይ መዘዝ ይዞ የመጣ ነው የሚመስለው። አባዱላን ሳይቀር አዳልጦ ያስተነፈሰ መዘዝ።

አባዱላ ገመዳ ለአሜሪካ ድምጽ ራድዮ የዘጋውን በር ለዛሚዋ ሚሚ ስብሃቱ መክፈቱ በራሱ የሚጠቁመን ነገር አለ። ትላንት ክቡር፣ ዶክተር፣ ጀነራል አባ ዱላ ተብሎ ሲጠራ በነበረበት ራዲዮ ዛሬ እንደ ገላባ መቅለልን ይመርጣል ብሎ ማሰብ ይከብዳል። አያሌ ከጠረጴዛ ስር የሚደረጉ ስምምነቶችን ላስተዋለ ሰው ግን “እባብን ያየ ልጥ ይፈራል” ማለቱ አይቀርም።

እዚህ ላይ ይሰመርበት። አባዱላ ከስፍራው ለቀቀም፤ አልለቀቀም በህወሃት የፖለቲካ አሰላለፍ ላይ የሚያመጣው ለውጥ አይኖርም። የተባለውን ደብዳቤ እርግጥም አባዱላ ከሆነ የጻፈው፣ የህወሃት መልስ የሚሆነው፣ “ድሮም አልነበርክም፤ አሁንም የለህም!” ነው። አባዱላ የስርዓቱ ጭምብል እንጂ ምሰሶ እንዳይደለ ቄሮም ቢሆን ያውቃል። ይልቁንም ይህ የስንብት ማስታወሻ፣ ኦነግ “ከሽግግሩ መንግስት ራሴን አግልያለው” ሲል ያወጣውን መግለጫ ያስታውሰናል። 20 ሺህ የኦነግ ሰራዊት፣ በጦር ካምፕ ውስጥ እንዲታጎር ካደረጉ በኋላ ነበር እነ ሌንጮ ለታ መግለጫውን የሰጡት። ህወሃቶች በክስተቱ ፈጽሞ አልተደናገጡም ነበር። ራስን በራስ የመግደል ያህል ለፈጸሙት ለዚያ ጅላጅል ውሳኔያቸው፣ አገዛዙን ጮቤ አስረገጠው እንጂ አላበሳጨውም። በቦሌ በኩል እንዲሸኙ ተደረገ እንጂ ፤ በፈቃዳቸው አቅመቢስ በሆኑት በእነ ሌንጮ ላይ እጃቸውን አላነሱም ነበር።

ቄሮ ግን የቅርቡ እልቂት እንኳን ረስቶት፣ የአባዱላን ጀብድ ማውራት ጀመረ። የአባዱላ ከህወሃት መፋታት እኮ ብርቅ ነገር አይደለም። ከዚህ ቀደም ዶክተር ነጋሶ ጊዳዳ ታፋትተዋል፣  ጀነራል ባጫ ደበሌም ገለል ተደርገዋል፣ ሃሰን አሊ ተሰድዷል፣ አልማዝ መኮ እና ጁነዲን ሳዶም ወደ አውሮፓና አሜሪካ አምልጠዋል። አንዱ ሲሄድ ሌላው ሲተካ እነሆ ኦህዴድዳቸው ሳይሸረፍና ሳይቀነስ ቀጥሏል። ምክንያቱም ኦህዴድን ጠፍጥፎ የፈጠረው ህወሃት መሆኑን ሁሉም በሚገባ ያውቀዋል። ኦህዴድን የሚያኖረውም፣ የሚያቆየውም ሆነ የሚያጠፋው፣ አባዱላ ሳይሆን ህወሃት ነው።

የመልቀቅያ ደብዳቤ የማስገባቱ ትርክት በህወሃት ቀጭን ትእዛዝ ነው የሚሉ ወገኖች የሚያቀርቡት ምልከታም ሆነ መላ ምት ውሃ የሚቋጥረውም ከዚህ የተነሳ ነው። በአውሬ ጥርስ ውስጥ ሆኖ አውሬውን መተናኮስ የሚሻ ካለ፤ ይህ ጅል ብቻ ነው። አባዱላ ደግሞ እጆቹም ሆኑ እግሮቹ መስና ውስጥ የተዘፈቁበት ሰው ነው። ወያኔ ይህንን ሰው ሸቤ ለማስገባት አንድ ሚሊዮን ፋይሎችን መምዘዝ እንደሚችል ይታወቃል። “አፍ ስላበዛህ በገዛ ፍቃድህ ልቀቅ!” መባሉ አዲስ ነገር አይሆንም። ቀይ መስመር ሊያልፍ ይችላል ተብለው ለሚጠረጠሩ “ሹሞች” አስቀድሞ የተዘጋጁ የወንጀል ፋይሎች አሉ።

የአባዱላ መልቀቅያ ደብዳቤ ግማሽ እውነት ነው። ግማሽ እውነት ማለት ደግሞ ሙሉ ውሸት ነው። የሚደንቀው ይህ ሳይሆን የዲያስፖራው ጭብጨባ ነው። ልክ እንደ ቤተሰብ ጨዋታ፤ ጥያቄያቸውን በትክክል ሲመልሱ ይጨበጨባል፣ ሲሳሳቱም ይጨበጨባል። አባዱላ የቀድሞ ሰራዊት ምርኮኛ  መሆኑን ለአፍታ እንኳን ብናስታውስ፣ ከዚህ የተሳሳተ ግምታችን እንታረም ይሆናል።

ዝቅ ብለው እንዲበሩ ተነግሯቸው የነበሩ “ባለስልጣናት” ጉዳይ እንግዳ ነገር አይደለም። እነዚህን ሰዎች አስቀድመው ስኳር የሚያልሱዋቸው ፣ ከህወሃት ራዳር እንዳይወጡ ለማድረግ ብቻ ነው። ከፍ ብለው ለመብረር ከሞከሩ ውርድ ከራስ ይሆንና ቀሪው አማራጭ እጅ መስጠት ይሆናል።

7 Comments

7 Comments

  1. Gamadaa

    October 8, 2017 at 10:23 pm

    This is your usuals empty propogand. At this crucial time you try to make your backward ideology relevant. Kifu Assefa is a simple minden ignoriert of the tangible reality of this time. He knows nothing about the politics and is not a rational person. He just tried to bit a nonsense drum which has nothing to do with the political reality of Ethiopia. Such dummy persons like him are threatened to the unity of Ethiopia.

    He is most probably one of those who habe been paid by Woyane in order to widen the differences among different Ethiopian nations and nationalities. But it doesn’t work. There is no more business as a usual.

    • NANA

      October 9, 2017 at 7:54 am

      gamadaa ,

      WOYANE IS THE FATHER OF ALL nation and nationalities UNLIKE YOUR NARROW OR CAHUVINIST THINKING .

      DO NOT TRY TO TAKE THE CREDIT . STOP BLAMING AND STOP TRYING TO SNATCH AWAY THE GAINS OF MARGINALIZED AND PLUNDERED PEOPLE .

      THE FEDERAL SYSTEM IS ON THE MARCH .PROBLEMS YOU SEE NOW ARE NORMAL GROWTH HICCUPS EXPECTED OF INFANT FEDERAL SYSTEM .

      • Gamadaa

        October 9, 2017 at 10:40 am

        That is why your beloved Woyane have been sucking the blood of the Oromo younger generations since 1991. Business will never be as usual.

  2. Aron

    October 9, 2017 at 12:44 am

    You are right your express well.

  3. በለው!

    October 9, 2017 at 10:38 am

    ___ አባ ዱላ ትርጉሙ ባይገባኝም “ዱላ ከእጃቸው የማይጠፋ ሽማግሌ አባት ይመስለኝ ነበር። እኝህ ሰው ለዲሞከራሲ ብሔርተኝነት ሲባል የቀድሞው ደርግ ወታደር ምርኮኛ ምናሴ ተክለሃይማኖት በኋላ አባዱላ ገመዳ በጦር ጄኔራልነት ተሾመው የነበሩና በህወሃት ክፍፍል ወቅት ከውትድርናው ተነስተው የኦሮሚያ ፕሬዚዳትነት የተሾሙ ሲሆን፡ ሰውዬው በፖለቲካዊ እንቅስቃሴያቸው በአቶ መለስ ባለመወደድ ከኦሮሚያ ፕሬዚዳንትነት እንዲነሱ ተደርገው የህዝብ ተወካዮች ምክር ቤት አፈ ጉባኤ ሆነው የተሾሙ ናቸው።…
    አፈጉባኤ ማለት ፬፶፬ አባላት የተከበሩ ተብሎ በቀጭን ትዕዛዝ የተቀበሩ ለማለት ነው አደለም እንዴ?
    **ፈንቀሎ ያስወጣቸው የራሳቸው ጉዳይ እስኪመጣ ሕዝቤ እንዲህ ሲል ይቆዝማል። ለቀቁ..በረጅም ገመድ ታስረው ተለቀቁ ? በብቃት ማነስ ወደ ክልል ወረዱ? ኅይለመለስም ፓርቲዬ ከፈለገ ወረዳ እሄዳለሁ አላለምን? በግርግሩ ወቅት “ቤተመንግስት በር ላይ ደርሰናል!” ያሉት በፓርቲያቸው ስም ምንም ዓይነት መግለጫ እንዳይሰጡ፣ ከቤት እንዳይወጡና ሥራ እንዳይሠሩ ከተደረጉ ፩ዓመት ከ፱ ወር እንደተቆጠረ የኦሮሞ ፌደራላዊ ኮንግረስ ፓርቲ ዋና ጸሐፊ አቶ በቀለ ነጋ“ታፍኜ እቤት ውስጥ እንድቀመጥ ከተደረኩ በኋላ ተረስቻለሁ”–አሉ የአባ ዱላ አይሻሉም!? ህወሓት ውለታ አክባሪነቱን የኦነግ መሪዎች ለቅሶና ለፓርቲ ምሥረታ እንዲገቡ እንዲወጡ ማድረጉ ያስመሠግነዋል።
    ፩) አፈ ጉባኤው አባዱላ ገመዳ በኦሕዴድ ውስጥ በገነቡት ፈርጣም ኅይል በመተማመን እና የህወሓትን ኅይል መዳከም በማየት በምስራቅ ኢትዮጵያ ከ፻ሺህ በላይ የኦሮሚያ ተወላጆች ተፈናቃይ የሆኑበትን የሶማሌ ግጭትን በውጭ ሆነው ለመምራት ከማሰብ የመነጭ ነው ሲሉ…
    ፪) ምክንያት ደግሞ ገዢው የህወሓት ኅይል በስራ መልቀቅ ስም የተበላሸውን የኦሕዴድ ስራን እንዲያጸዱለት ለማመቻቸት ነው ተብሎ ተግምቷል።
    ፫) ለኢህአዴግ ታማኝነታቸውን ያክል ግጭትና ፌደራላዊ በዓላት ባሉበት ሁሉ እንደሚላላኩትን ያህል ወደ ዲያስፖራ ጽንፈኛ ብሔርተኞች አቅንተው በህወሓት ላይ ምንም ተቃወሞ እንዳያሰሙ ምን ይደረገላችሁ? ሲሉ ለህወሓት ይዘው የመጡትን የአዲስ አበባ ከተማ አለመስፋፋት!፡ የፊንፊነ የኦሮሚያ ናት!..ኦሮሚኛ የፌደራል ተደራቢ የሥራ ቋንቋ ይሁን! ጥያቄዎች ነበሩ የተሳካም የተሰኩበትም እንዳለ የፖለቲካው ተንታኝ አብሮ እንደሚሰራ መስከሯል። አባዱላ ለቀቀ ማለት ፌደራሉ ፈረሰ የሚሉም አድናቂዎች በዝተዋል። ያ ማለት እንደበቀለ ገለባና መራራ ጉዲና መሰከሩበት እንጂ አላስተባበሉለትም። ኦሚኔ (ኦርሞ ሚዲያ ኔትዎርክ) በኣባዱላ ተጠልፏል ሲል የአብዲ ፊጤን ፎቶ ከአባዱላ አያይዞ የመሠከረው የዲሲ ኦሮሞ ዜግነት ያለው ተስፋዬ ግብረእባብ(ገዳ) ነበር።

    ** የዚህ ሰሞን የከጅዎች ቁጥር መበራከት ተዓምር አደለም! “እየሰደቡ፡ እየተፉብኝ፡ ውስጥ ውስጡን በሲቪል ሰርቪስ ብዙ ነገር ሠርቻለሁ (ሰርስሬአለሁ) ያለው ጁነዲን ሰዶ ኦህዴድ ውስጥ ድሮም አሁንም ማንም ምንም እንዳለሆነ ሲናገር፡ ለማ መገርሳን ዲሞክራሲ መኖሩን እራሱን በራሱ እንደሚመራ አስለፈለፉት በአፉ ልክ ፻፶ ሺህ ኦሮሞ ከሰው ሰፈር አፈናቀለና ጭራሽ የደርግ ሥርዓት ናፋቂ ተባለና አረፈው!። አብዲ ኢሌ የኦህዴድን የምርኮ አፈጣጠራቸውን ያውቀዋላ!!
    ይህ ከዳ፡ ወጣ፡ ገባ፡ የሚባል የተሰባበረ ዜና ኢህአዴግን የከዱ ከተራ ሠራተኛ፡የፓርቲ አባል፡የሰፈር ልጅ፡ መምህር፡ካደሬ፡ ዳኛ፡ ሳይቀር ያንኑ የህወሓትን ማኒፌስቶ(ሕገመንግስት) ከማቀንቀን ሌላ የሚሰሩት አለን?ይልቁንም እኛ ብንሆን መገነጣጠልን እናፈጥነው ነበር ሲሉ ይሰማሉ። ድንቄም ታጋይ!
    ” መለስ ኖር አልኖረ..ፋጡማ ኖረች አልኖረች…ዘርይሁን ኖረ አልኖረ…ኢህአዴግ በጸና መሠረት ላይ ቆሟል”የነፍስ አባታቸው ስብሃት ነጋ ታዲያ አባዱላ ፓርላማ ኖረ አልኖረ ዶ/ር ሙላቱ ተሾመ ቤተመንግስት ተገኘ አልተገኘ… አዜብ ቤት አላት የላትም የትግራይ እንዱስትሪ መር ኢኮኖሚ በፀና የህወሓት ቤተሰባዊ የወሮ በላ ቡድን ቁጥጥር ሥር ውሏል።አዳሜ ሰባራ ሸክላ ይቆጥራል ልበል!?

  4. nabil

    October 9, 2017 at 1:09 pm

    Abadula was the biggest domestic animal of tplf. Now he is old and useles for his master tplf. Tplf should through out him and this act of tplf is not new. Tplf is now look for another new animal for his assault on oromo people. Whether this new animal is good enough for the dirty job of tplf only time will decide.

  5. ydidiya

    October 9, 2017 at 3:51 pm

    ክንፉ አሰፋ ቅልብጭ ያለ ትንተና ነው። ግና ለሜንጫ ታጣቂዎች

Leave a Reply

Your email address will not be published. Required fields are marked *

በብዛት የተነበቡ ጽሁፎች

To Top