News Feature

ከአዲስ አበባ መውጫ በሮች ላይ ፍተሻ ሲደረግ አደረ

ከአዲስ አበባ በሚያስወጡ እና ወደ ከተማዋ በሚያስገቡ በሮች ላይ ፍተሻ ሲደረግ ማደሩን ምንጮች ጠቆሙ፡፡ ፍተሻው የተካሔደው ትላንት አርብ ለቅደሜ አጥቢያ ሲሆን፣ በፍተሻው ላይም የታጠቁ የፌደራል ፖሊስ አባላት መሳተፋቸውን ምንጮች ጠቁመዋል፡፡ ፍተሻው በተለይ በመኪኖች ላይ ያተኮረ እንደነበር የገለጹት የመረጃ ምንጮች፣ እግረኞችም የፍተሻው አካል እንደነበሩም ምንጮቹ ይገልጻሉ፡፡

ፍተሻውን ተከትሎ ለተወሰኑ ሰዓታት የትራፊክ እንቅስቃሴ ተገትቶ የነበረ ሲሆን፣ ይህም ከፍተኛ የመንገድ መጨናነቅ ፈጥሮ ነበር- እንደ መረጃዎች ገለጻ፡፡ ፍሻው ከለሊቱ 11 ሰዓት አካባቢ መጀመሩን የጠቆሙት መረጃዎች፣ እስከ ንጋቱ 1፡30 ሰዓት ድረስ ቀጥሎ እንደነበርም አክለዋል፡፡ በዚህ ፍተሻ ላይ በተለይ ከኋላቸው ክፍት የሆኑ መኪኖች ተገልብጠው ሲፈተሹ የነበረ ሲሆን፣ ሌሎች መኪኖችም በተመሳሳይ ሁኔታ በፌደራል ፖሊስ አባላት ሲፈተሹ መመልከታቸውን የዓይን እማኞች ለቢቢኤን ተናግረዋል፡፡

የፍተሻው ዓላማ ምን እንደሆነ የተጠየቁት የዓይን እማኞቹ፣ ድንገታዊ ፍተሻው እነሱንም ግራ እንዳጋባቸው ከመናገር ውጭ ዓላማው ምን እንደሆነ እንደማያውቁ ገልጸዋል፡፡ ፍተሻው ጠንከር ብሎ የታየው ከአዲስ አበባ ወደ ደብረዘይት በሚያስወጣው አቃቂ ቃሊቲ አካባቢ እንደነበርም ለማወቅ ተችሏል፡፡ በፍተሻው ወቅት ፌደራል ፖሊሶች ሰው ሲያመናጭቁ እና አላስፈላጊ ቃላት ሲናገሩ እንደነበር የሚናገሩት እማኞች፣ አንድ መኪና ፈትሾ ለመጨረስም መኪናው ሲመረት ከወሰደው ጊዜ በላይ መውሰዳቸውን እማኞቹ አክለው ተናግረዋል፡፡ ይህም ያሰበበት ቦታ ቶሎ ለመድረስ የወጣውን መንገደኛ ሁሉ ክፉኛ ሲያበሳጭ እንደነበር ለማወቅ ተችሏል-እንደ እማኞቹ ገለጻ፡፡

BBN Daily News November 11, 2017

Click to comment

Leave a Reply

Your email address will not be published. Required fields are marked *

በብዛት የተነበቡ ጽሁፎች

Zehabesha - Latest Ethiopian News

Copyright © 2018 Zehabesha - Latest Ethiopian News Provider. All rights reserved.

To Top