News Feature

ኦብነግ የህወሓት መንግስት ወታደሮችን መግደሉን አስታወቀ

የኦጋዴን ብሔራዊ ነጻነት ግንባር-ኦብነግ በህወሓት መንግስት ወታደሮች ላይ ከፍተኛ ጥቃት መሰንዘሩን አስታወቀ፡፡ አማጺ ኃይሉ በዛሬው ዕለት እንዳስታወቀው፤ ዛሬ አርብ ጥር 25 ቀን 2010 በሃባዋይኔ ከተማ ዳጋሃቡር አውራጃ በህወሓት መንግስት እና በኦብነግ መካከል በተደረገው ከባድ ጦርነት፣ ከህወሓት በኩል አስራ አንድ ወታደሮች ተገድለዋል፡፡ በተጨማሪም፤ ቁጥራቸው በርካታ የሆኑ የስርዓቱ ወታደሮችን ማቁሰሉንም ኦብነግ በዛሬው ዕለት ይፋ ያደረገው መረጃ ያመለክታል፡፡ በተካሄደው የተኩስ ልውውጥ ኦብነግ ሰፊ የበላይነት መውሰዱን ይኸው መረጃ ይጠቁማል፡፡

በሁለቱ አካላት መካከል የተደረገውን የተኩስ ልውውጥ ተከትሎ በኦብነግ ታጣቂዎች በተሰነዘረባቸው ጥቃት የቆሰሉት የህወሓት መንግስት ወታደሮች በትልቅ መኪና ተጭነው ጉና ጋዶ ወደተባለ አውራጃ መወሰዳቸውን የኦጋዴን የዜና አውታር ዘግቧል፡፡ የኦጋዴን ብሔራዊ ነጻነት ግንባር ታጣቂዎች ግዙፍ የመልሶ ማጥቃት ስትራቴጂ መጠቀማቸውን የሚገልጸው የዜና አውታሩ፤ ኦጋዴንን ባካለለው በዚሁ የመልሶ ማጥቃት ስልትም በአካባቢው የሚገኙ የህወሓት መንግስት ወታደሮችን እና ሚሊሻዎችን ማጥቃታቸውን ዘገባው አስረድቷል፡፡

በኦጋዴን እና አካባቢዋ የተሰማሩ የህወሓት መንግስት ወታደሮች እንዲህ ያለ ጥቃት ሲሰነዘርባቸው ይሄ የመጀመሪያው እንዳልሆነ ይታወቃል፡፡ ከዚህ ቀደም በሁለቱ አካላት መካከል በተደረገው ድንገተኛ የተኩስ ልውውጥ፣ ኦብነግ ከህወሓት ወገን የሆኑ ከአስር በላይ ወታደሮችን መግደሉን በወቅቱ ይፋ አድርጎ እንደነበር ይታወሳል፡፡ በዚሁ የተኩስ ልውውጥ፣ ከስርዓቱ ወገን የሆኑ በርካታ ወታደሮች ቆስለው፣ የተለያዩ ወታደራዊ ቁሶች መማረካቸውን ከወራት በፊት የወጣው የኦብነግ መረጃ ጠቁሞ ነበር፡፡ የህወሓት መንግስት በኦጋዴን በሚገኙ ነዋሪዎች ላይ አስከፊ የሰብዓዊ መብት ጥሰት እንደሚፈጽም ይታወቃል፡፡ ህወሓት በአካባቢው ያሰማራቸው ወታደሮቹ፣ በነዋሪዎች ላይ አስገድዶ መድፈርን ጨምሮ፣ ድብደባ፣ ግርፋት፣ እስራት፣ ማሰቃየት እና ሌሎች ከሰብዓዊነት ያፈነገጡ በደሎች እንደሚፈጽሙባቸው በተደጋጋሚ ጊዜ ተጋልጧል፡፡

 

BBN News Feb 2, 2018

Click to comment

Leave a Reply

Your email address will not be published. Required fields are marked *

በብዛት የተነበቡ ጽሁፎች

To Top