News Feature

ዛሬ በተለያዩ የኦሮሚያ እና በጎንደር የተደረጉ ተቃውሞዎች በቀጣይ ሁለት ቀናት ይቀጥላል

(ዘ-ሐበሻ) በኦሮሚያ የተለያዩ ከተሞች የተካሄደው የሥራ ማቆም እና መንገድ የመዝጋት አመጽ እንዲሁም በጎንደር ደባርቅ እና ዳባት የተነሱት ሕዝባዊ ተቃውሞዎች ለቀጣይ ሁለት ቀናት እንደሚቀጥል ታወቀ::

በኦሮሚያ ትላልቅ እና ትናንሽ ከተሞች ሳይቀር አዳርሶ እስከ አዲስ አበባ የደረሰው የሥራ ማቆም አድማው በትግራይ ነጻ አውጪው መንግስት ላይ ከፍተኛ ጫና እንደፈጠረበት መረጃዎች ጠቁመዋል::

በአምቦ እና በጅማ በተደረጉ ተቃውሞዎችና የሥራ ማቆም አድማዎችን ተከትሎ ሕዝቡ መንገድ በመዘጋጋት ጎማዎችን በአደባባይ ሲያነድ እንደነበር የገለጹት የዘ-ሐበሻ መረጃ አቀባዮች በወሊሶ በሃረርጌ በሱሉልታ እና በሌሎችም የአዲስ አበባ ዙሪያዎች መንገድ በመዘጋጋታቸው የገበያ ቀውስ ፈጥሮ ውሏል::

በተለይ በዛሬው ዕለት ከባህርዳር እና ከተለያዩ የኦሮሚያ ከተሞች አዲስ አበባ መግባት የነበረበት ጫት በመንገድ መዘጋጋት ምክንያት ሳይገባ የቀረ ሲሆን በዚህም ያደረ ጫት እስከ ሦስት እጥፍ ዋጋ ሲሸጥ መዋሉን እንዲሁም አብዛኞቹ ጫት ቤቶች ዝግ ሆነው መዋላቸው ታውቋል::

በመርካቶ ጣና ገበያ አካባቢ ታክሲዎች የሥራ ማቆም አድማ እንደመቱም ከደረሰን መረጃ ለመረዳት ችለናል::

የታሰሩ የፖለቲካ እስረኞች እንዲለቀቁ በማስጠንቀቅ በኦሮሚያ ክልሎች የተጀመረው ተቃውሞ በዳባት ከተማና በደባርቅ ከተሞች (ጎንደር) የቀጠለ ሲሆን ይህ ተቃውሞ በቀጣይ ሁለት ቀናት እንደሚቀጥል ታውቋል::

በሌሎች የአማራ ክልል ከተሞች ተቃውሞ የነበረ ቢሆንም በስልክ እና ኢንተርኔት መቋረጥ ምክንያት መረጃዎች ወደ ህዝብ ሳይደርሱ መቅረታቸውንም የደህንነት ምንጮች ለዘ-ሐበሻ አስታውቀዋል::

በዘ-ሐበሻ ፌስቡክ ገጽ በፍጥነት አጫጭር መረጃዎች ስለሚለቀቁ ቶሎ ቶሎ ፌስቡክ ገጻችንን ይመልከቲት::

ለበለጠ መረጃ እዚህ ይጫኑ

Click to comment

Leave a Reply

Your email address will not be published. Required fields are marked *

በብዛት የተነበቡ ጽሁፎች

To Top