​የኦሮሞ ህዝብ ትግል በዕውቀትና በስሌት እንጂ በስሜት መመራት የለበትም

Filed under: News Feature,ነፃ አስተያየቶች |

ህወሃት በህዝባችን ላይ የከፈተውን አጠቃላይ ጦርነት በድል ለመወጣት በእውቀትና በስሌት ላይ የተመሠረተ ተመጣጣኝና ሁሉ አቀፍ ራስን የመከላከል ስልትና ስትራቴጂ ያስፈልጋል። ትግሉ በእውቀት፣ በስሌትና በድርጅት እንጂ በስሜት የሚመራ መሆን የለበትም። ትግሉ መንገድ ላይ ወጥቶ ከመሞት የጀብደኝናት ስነልቦና መውጣት አለበት።  በጠላት ላይ የኢኮኖሚ፣ የፓለቲካና የስነልቦና ኪሳራና ጉዳት ማድረስ እና ወገንን ከጥቃትና ከሞት መከላከልና ህዝባችንን ለድል ማብቃት የሚወጡት ህዝባዊ የትግል ስልቶች ሁሉ ግንባር ቀደም ተልዕኮና አለማ መሆን አለባቸው። በዚህም መሠረት፣

1ኛ፣ ህወሃት በህገ ወጥ  የአስቸኳይ ጊዜ አወጅ ሽፋን በኦሮሞ ህዝብ ላይ  ያወጀው  አጠቃላይ ጦርነት አንዱና ዋነኛ ኢለማ በፕረዚደንት ለማ መገርሳ የሚመራውን ተራማጅ ቡድን ከኦሮሞ ህዝቡ በመነጠል መምታት ነው።የትኛውም ኦሮሞ ሆነ የተቀረው የኢትዮጵያ ህዝብ ይህን ከሳተ የህወሃትን የጦርነት ስልት አላወቀም ማለት ነው።  በ201 የፓርላማ አባላት ድምፅ በመነፈጉ ምክንያት ውድቅ በተደረገው የአስቸኳይ ጊዜ አዋጅ ዙሪያ በነበሩት ውይይቶች ላይ በተወሰዱ ግልፅ የስትራተጂ ስህተቶች ምክንያት ፕረዚደንት ለማንና እርሱ የሚተማመንባቸውን የቡድኑ  መሪዎች ላይ ከህወሃት ጋር አንድ ወገን ሆኖ ማጥቃት፣ስም ማጥፋትና እነዚህን መሪዎች ከኦሮሞ ህዝብ መነጠል፣ የኦሮሞ ህዝብን ትግል ከህወሃት ጋር ወግኖ ከማጥቃት ምንም ልዩነት የለውም።የአንድ ጄኔራል የጦር ውሎ በአንድ የጦር ግጥሚያ   ስላፈገፈገ፣ የተሳሳተ ውሳኔ ስለወሰነ ወይም በጠላት ስለተሸነፋ የራሱ  ወገን ጦርነት አይከፍትበትም። ወይም ዘራፍ ብለህ ለምን አልሞትክ አይባልም። በመሪህ ደረጃ የሁሉም ሰው ህይወት እኩል ነው። በጦር ሜዳ  ውሎ ግን የአንድ ጄኔራል መሞትና የአንድ ተራ ወታደር መሞት እኩል አይደለም።በፓላቲካውም አለም የአንድ  አገር መሪ መሞትና የአንድ ዜጋ መሞት እኩል አይደለም። በሰዋች አለም ይቅርና በንቦች አለም እንኳን የአንድ የንግስት ንብ መሞትና አንድ የተራ ንብ መሞት ለአንድ የንብ መንጋ እኩል አይደለም። መሪዎቻችን ደፋርና ቆራጥ እንዲሆኑ ማበረታታቱ እንዳለ ሆኖ ለምን ዛራፍ ብለው አልሞቱም ብሎ መተቸት ግን  ሌላ ነገር ነው። በዚህ ጉዳይ ላይ የኦሮሞ ህዝብ የፕሬዚደንት ለማ መገርሳን ውሳኔና አመራርን መክበርና መከተል አለበት።ክቡር አቶ  ለማ መገርሳ  የተማመነውና የማይነጥፍ ቃሉን አምኖት የሰጠው የኦሮሞ ህዝብ ለህወሃት ጅቦች እርሱንና የሚተማመንባቸውን አጋሮቹን ጥሎ ከእነርሱ በዚህ የቁርጥ ቀን መሸሽ የለበትም። መካካድ የኦሮሞ ህዝብ ባህሪም፣በህልም አይደለም።የኦሮሞ ህዝብ የዘመናት ትግል የወለዳቸውን መሪዎች እንደ ባንድራ ጠዋት ሰቅሎ ማታ አያወርድም።መሪዎቻችን በራሳቸው የመተማመንና በህባቸው የመተማመን ስነልቦና እንዲጎለብት የመሳሳትና ስህተታቸውን የማረም ቦታና ጊዜ ልንሰጣቸው ይገባል። ከተቺዎቹስ ያልተሳሳተ አለ እንዴ?  ስለዚህ አቶ ለማ መገርሳ በሚታመንበትና የኦሮሞ ህዝብን ወክሎ የኢትዮጵያ ጠቅላይ ሚኒስትር እንዲሆን ሰይመነዋል ብሎ ለመላው የኦሮሞ ህዝብ በስም ጠርቶ በተነገረው ዶ/ር አብይ አህመድ ላይ የተከፈተው የስም ማጥፋትና ዶ/ር አብይን ከኦሮሞ ህዝብ የመነጠልና የፓለቲካ ፋይዳ የማሳጣት ዘመቻ በአስቸኳ መቆም አለበት።ዶ/ር አብይ በአስቸኳይ ግዜ አዋጁም ላይ ድምፅ ያለመስጠቱ በራሱ ትልቅ ውሳኔ መሆኑ ልታወቅ ይገባል። ስለዚህ  የኦሮሞ ህዝብና የኦሮሞ መሪዎችም  አስቸኳይ የፓላቲካ  እርምት በመውሰድ የደረሰውን ጥፋት መቀልበስና መሰል ጥፋት እንደይደገም አስቸኳይ  እርምጃ  መውሰድ አለባቸው።

2ኛ፣ የኦሮሞ ህዝብ በህወሃት የተከፈተበትን አጠቃላይ ጦርነት በድል ለመወጣት  የአጭርና የረጅም ጊዜ እቅድ አውጥቶ ወደሚሰራበት ደረጃ መሸጋገር አለበት።ፓላቲካ በእውቀትና ስሌት እንጂ በስሜት የሚመራ ያለመሆኑ መታወቅ አለበት። ስለዚህ ህወሃት በጅምላ ሰው ልገል የሚችልባቸውን እንደ ሰላማዊ ሰልፍ አይነት ስልቶች ማተው አለባቸው። ሰው በማስገደል ድል የለም።  ትግሉ ከትጥቅ ትግልም ይልቅ  የኢኮኖሚ፣ የፓላቲካና የስነ ልቦና ነው። ስለዚህ ህወሃት በኢኮኖሚ፣ በገንዘብ፣ በፓላቲካና በስነ ልቦና ማክሰር የትግሉ ትልቅ አካል መሆን አለበት። ህወሃት ታጣቂዎቿን በየኦሮሚያ ቀበሌዎች ብታሰፍር ቢበዛ ከአንድ አመት በላይ ስንቅና ትጥቅ ሰጥታ ማቆየት አትችልም። የኦሮሞ ህዝብ በእምብተኝነትና በዝምታ ብቻ ህወሃትን አክስሮ ማሸነፍ ይችላል።  በተጨማሪም  ህወሃትን መንገድ እየመሩ ህዝባችንን የሚያስገድሉ ባንዳዎችን ማጥፋት አስፈላጊ ነው። የህወሃት የኢኮኖሚ መሠረት የሆኑትን  ቡድኖች ከህዝባችን መሃል መንቀል ይገባል። የኦሮሞ ወታደሮችና የፀጥታ ሰዋች ከኦሮሞ ህዝብ ጋር እንዲቆሙ ማድረግ አለብን። የአከባቢ ፓልስና ሚሊሻ ማጠናከርና የህወሃት ታጣቂዎች በቀንም ሆነ በለሊት በህዝባችን ላይ የሚያደርሱትን ጥቃት ተባብሮ መከላከል አስፈላጊ ነው።

3ኛ፣በኦሮሞ ህዝብ ላይ የጅምላ እልቂት እንዲካሄድ የወሰኑትና ያስወሰኑትን የኦሮሞ የፓርላማ አባላት በሙሉ የኦሮሞን ህዝብ ስለማይወክሉ እንወክለዋለን የሚሉት አከባቢ ህዝብ በአንድ ድምፅ እንዲያባርራቸው ማድረግ። እነዚህ አባላት አሁን በስም ስለሚታወቁ ከኦህዲድ መዕካላዊ ኮሚቴ፣የሥራ አስፈፃሚ ኮሚቴና ከድርጅቱ አባልነት ማባረር።  በተጨማሪም ለእነዚህ ግለሰቦችና ቤተሰቦቻቸው ኦሮሚያ ውስጥ አዲስ አበባን ጨምሮ እንኳን መኖሪያቸው፣ መቀበሪያቸው እንዳትሆን በህዝብና አገር ክህደት ከሶ በህግ ማስከልከል ይገባል።

4ኛ፣ የፕረዚደንት ለማ አመራርም በአስቸኳይ የኦሮሚያን ፓርላማ ጠርቶ በኢትዮጵያ ህገ መንግስት አንቀፅ 39 ንዑስ አንቀፅ 1 እና 2 መሠረት የኦሮሞ ህዝብ ራስን በራስ የማስተዳደር መብት እንዲከበርና በህወሃት የሚመራው ጦር ከኦሮሚያ እንዲወጣ መጠየቅ አለበት። በህገመንግስቱ አንቀፅ 39 የተቀመጠው ራስን በራስ የማስተዳደር መብት በአስቸኳይ ግዜ አዋጅ የማይነካ በህገ መንግስቱ የተረጋገጠ የኦሮሞ ህዝብ መብት ነው። ህገ ወጡ የህወሃት አስቸኳይ ጊዜ አዋጅ  ይህን የህገ መንግስቱን አንቀፅ አይሽርም። ስለዚህ  የኦሮሚያ ምክር ቤት ይህን አንቀፅ ተጠቅሞ የህወሃት ታጣቂዎች  በኦሮሚያ  የሚያደርጉትን ጣልቃ ገብነት ሙሉ በሙሉ እንዲያቆሙና  የኦሮሞ ህዝብን የራስን በራስ የማስተዳደር መብት መጋፋት እንዲያቆሙና ከኦሮሚያ እንዲወጡ መጠየቅ አለበት። ይህ በአስቸኳይ ጊዜ አዋጅ የማይነካውና የማይሸራረፈው አንቀፅ የብሄሮችን ራስን በራስ ማስተዳደር መብት አልፎ እስከ መገንጠል መብት የሚሰጥ መሆኑ ይታወቃል። ለኦሮሞ ህዝብ ኢትዮጵያ በደሙና በአጥንቱ የገነባት አገሩ ነች። መገንጠል የህባችን አላማም፣ ሃሳብም አይደለም። ራስን በራስ ማስተዳደር ግን ማንም የማይዳፈረው የህዝባችን የተፈጥሮ መብት ነው። ስለዚህ የኦሮሚያ ፓርላማ በአስቸኳይ ተሰብስቦ በአንቀፅ 39 መሠረት የኦሮሞ ህዝብን ራስን በራስ የማስተዳደር መብቱን ማስከበር  አለበት። የኦሮሞ ህዝብ ይህን መብቱን ለማስከበር ከኦሮሚያ ክልል መንግስት ጋር ተባብሮ ይሰራል።

5ኛ፣ የኦሮሞ የፓርላማ አባላት አስቸኳይ ጊዜ አዋጁን ውድቅ በማድረግ የሰጡትን  ድምፅ  በመሻር አዋጁ አልፏል ብሎ በህወሃት ጀሌዎች መነገሩ የአገርና የህገ መንግስት  ክህደት ወንጀል ነው። የኦሮሚያ ክልል መንግስት የኦሮሞ ፓርላማ አባላት ድምፅ ሳይከበር ሲቀርና ህገ መንግስታዊ ስራኣቱ ሲናድ በዝምታ መመልከት የለበትም። በመሆኑም የኦሮሚያ ክልል መንግስት የኦሮሞ ህዝብ በኢትዮጵያ ፓርላማ  የመረጣቸው እንደራሴዎቹና ተወካዮች የተሰጠውን ድምፅ በመጣስ ተላለፈ የተባለው ህገ ወጥ የአስቸኳይ ጊዜ አዋጅ እንዲሰረዝ በፌድራል ጠቅላይ ፍ/ ቤት ክስ መመስረትና በአዋጁ ላይ የመጫረሻ  ውሳኔ እስኪሰጥበትም ፍ/ ቤቱ አዋጁን እንዲያግድ መጠየቅ አለበት። ለዚህም  የክልሉ መንግስት አንድ የጠበቆች ቡድን አቋቁሞ በአስቸኳይ ክስ መመስረት አለበት። የአስቸኳይ ጊዜ አዋጁን የተቃወሙት የኦሮሞ የፓርላማ አባላትም ይህን ክስ በጋራ ማቅረብ ይችላሉ። ህወሃት በሚቆጣጠራቸው የመገናኛ ብዙሃን እና ጀሌዎቹ ስለዋሸ  በህገ መንግስቱ መሠረት ውድቅ የተደረገ አዋጅ ህግ አይሆንም። የኦሮሞ ህዝብና የክልሉ መንግስት  ህገ መንግስታዊ ስረዓቱን ማስከበር አለበት። ስረዓቱ ተፈትሾ  የህግ የበላይነትን  ማስከበር እንኳን ባይቻል   የህወሃትን ሌብነት፣ ባዶነት ወንጀለኛነት ለአለም አሳይቶ መገርሰስ ትልቅ የፓላቲካ ድል ነው።

6ኛ፣ የኦሮሞ ተቃዋሚ ድርጅቶች በተለይም የኦሮሞ ፌዴራሊስት ኮንግረስ አባላትና ደጋፊዎች እንዲሁም የውጭና የአገር ውስጥ የኦሮሞ አክቲቪስቶች መላውን የኦሮሞ ህዝብ በማስተባበር ያለምን የፓላቲካ ልዩነት ከፕረዝደንት ለማ መገርሳና እርሱ ከሚሰጠው አመራር ጋር መቆም አለባቸው። መከፋፈል፣ መጠቃቃት፣እና ስም መጠፋፋት ህወሃትን መርዳት እንጂ ሌላ ፋይዳ የለውም።አሁን ጊዜው የጦርነት እንጂ የፓለቲካ አቃቅር ማውጫ ጊዜ አይደለም። ስለዚህ ከነጉድለታችንና ድካማችን ተጋግዘንና ተባብረን ይህን አውሬ ማሸነፍ አለብን።

7ኛ፣ የእነ አቶ ገዱ አንዳርጋቸው ቡድን ተዳከመ እንጂ አልተሸነፈም። መለው የአማራ ህዝብ የአውሬውን ቡድን በመላ አማራ እንዲያሽመደምድ ከኦሮሞ ህዝብ ጋር  የተጀመረውን ትብብር ማጠናከር አለበት።  የአማራና የኦሮሞ ወጣቶችን ትስስር በጋራ ራዕዎችና ጥብቅ ወንድማማችነት ላይ እነዲገነባ ጠንክሮ መስራት ያስፈልጋል። የኦሮሞና የአማራ ህዝብ ህወሃት የሚዘራቸውን የመካካድና የመጠራጠር ዘሮችን ሰይበቅሉ ማጥፋት አለበት። ትግሉ ተከታታይና ረጅም ጊዜ ሊወስድ እንደሚችል  በመገንዘብ  ሁሉም ኢትዮጵያዊ የህወሃትን የኢኮኖሚ፣የፓላቲካ፣የፀጥታ መረቦችና ማህበራዊ መሠረቶች በየደረጃው እንዲያፈርስ ማድረግ  ይገባል።

6 Responses to ​የኦሮሞ ህዝብ ትግል በዕውቀትና በስሌት እንጂ በስሜት መመራት የለበትም

  1. Ethiopian people support you.

    nabil
    March 5, 2018 at 7:24 am
    Reply

  2. ግሩም እና የተቀመመ ወቅታዊ መልዕክት ነው!!

    Amanuel ze Ambo
    March 5, 2018 at 7:40 am
    Reply

  3. ምክርዎችዎ በአብዛኛው ጥሩ ናቸው በተለይ በተራ ቁ 4 ፡ 5፡ እና 6 የተጠቀሱት። ነገር ግን ጥያቄ አለኝ። የነ ለማ ቡድን አይኑ እያየ ያስወሰደውን መብት መቶ በመቶና በማያሻማ መልኩ መቀልበስ የሚችልበትን መድረክና አጋጣሚ ሳይጠቀም ካለፈ በሁዋላ በፍርድ ቤት ተከራክሮ አዋጁን ሊያስቀለብስ ይችላል? የሚንስቶች ምክር ቤት አዋጁን አሳለፈ ከተባለ 15 ቀን ነበረው (ያውም ብዙዎቹ የኦፒዲኦ አባላት የሆኑበት)። በዚህ ጊዜ ውስጥ የነለማ ቡድን ምን ሲያደርግ እንደነበር ከተባራሪ ወሬ በስተቀር ግልጽ አይደለም ማለትም አዋጁን ለማስቀረት ያደረገው ነገር የለም ማለት ይቻላል። በርግጥ አዋጁን ብዙ የኦፒዲኦ አባላት መቃወማቸው ለኦሮሞ ጥሩ የድጋፍ ምልክት ነው። ኦፒዲኦ ከዚህ በላይ ማድረግ አይችልም ነበር ወይ? ለምንስ ሳያደርግ ቀረ? ክእንግዲህስ አዋጁን ለማስቀረት ፍላጎት አለው ማለት ይቻላል? ቢፈልግስ ከባድ አይሆንበትም ወይ?
    ወይስ የለማ ቲምንና ኦፒዲኦን በተወሰነ ደረጃ ለያይተን ነው ማየት ያለብን?
    እነ አቶ ለማ በአሁኑ ሰኣት እድልና ጊዜ ስጡን ስህተታችን እናርማላን እያሉ አይደለም፤ በተለይ የአስቸኳይ ጊዜ አዋጁን በተመለከት። ካሉም ወሳኟ ቀን አልፋባቸዋለች ወይም እያለፈችባቸው ነው። ኦሮሞ ቁሞ መጠበቅ አለበት ወይ? አንዳንድ ጊዜ በትግል ውስጥ ደቂቃም ወስኝነት አላት። እን ለማ በአህኑ ሰኣት የኦሮሞ ትግልን ለመምራት የሚችልን ሃይል ለማዋለድ በሚያችችል ደረጃ ላይ አይደሉም ሆኖም ግን የኦሮሞ ትግል ጠላት ናቸው ማለት አይደለም። ቄሮ በርትቶ እንደገና ሃይላቸውን ካላደሰው የተዳከሙ ወይም በከዳተናው ኦፕዲኦ የተበለጡ ይመስላል። ትግሉ ያለማቋረጥ መቀጠል አለበት።
    ትግሉ ስሜታዊ ብቻ እንዳይሆን የሚመክሩ ሰዎች ምን ማድረግ እንዳለብን ተጨባች ምክር ማመጣት ይጠበቅባቸዋል። ሌሎችን ግን ቁማችሁ ጠብቁኝ ማለት የለባቸውም ምክንያቱም ህወሃት ቁሞ እይጠበቀ አይደለምና።
    ስለዚህ እርሶም ከሌሎች አዋቂ ኦሮሞዎች ጋር በመሆን የአጭርና የረጅም ጊዜ እቅድ በማዘጋጀት ኦሮሞን ይርዱ፤ በትግል ላይ ያሉትን ግን አይተቹ ከተቹም ደግሞ እቤት ውስጥ እንጂ በአደባባይ መሆን የለበትም።

    Mekonnen
    March 5, 2018 at 9:19 am
    Reply

  4. መኮንን በትክክል ገልጠውታል!!!

    ራሄል
    March 5, 2018 at 11:33 am
    Reply

  5. ለመሆኑ እናንተ ማናችሁ ለኦሮሞ ህዝብ ተቆርቌሪ የሆናችሁት??? የኛን ትግል እናንት ናችሁ የምትመክሩንና የምትቀይሱልን??? እስቲ ድርጅታችሁንም ሆነ የግል ስማችሁን ኣሳውቁን!! ወሬኞች!! ካወራችሁ ይበቃል!! ከተናገራችሁ ይበቃል!!! ድንቄም!! ወግ ውጉ ታይቷል!!! እዚህ ሰሜን ኣሜሪካ ጊዜያዊ ችግራችሁን ኣቃላችሁ ከኖራችሁ ይበቃል!! ጉረኞች!! እንድንሰድባችሁ ነው የምትፈልጉት??? ቂቂቂቂቂቂ!!!! ሴትዮ ሳቃሌች!!!በጣም ሳቃሌች!!

    Mulugeta Andargie
    March 5, 2018 at 7:22 pm
    Reply

  6. Dear the ze-habesha !!

    I am just courious and want to know WHO chose to post the Picture of Dr Abiy at the front of this article ? is it done by the writer himself ? or somebody else ? if so WHO ???

    yours

    Bombu

    bombu
    March 6, 2018 at 7:27 am
    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.