በኩላሊት ህመም የሚሰቃየው ጋዜጠኛ ውብሸት ታዬ በቂ ህክምና ሳያገኝ ወደ ዝዋይ እንዲመለስ ተወሰነ

1 min read

ዘጋቢ ጋዜጠኛ ዳዊት ሰለሞን ከአዲስ አበባ

webshet taye
በዝዋይ ወህኒ ቤት ቆይታው ለከፍተኛ የኩላሊት ህመም በመዳረጉ የተሻለ ህክምና ያገኝ ዘንድ በማረሚያ ቤቱ ክሊኒክ ሪፈር የተጻፈለት ጋዜጠኛ ውብሸት ታዬ ወደ አዲስ አበባ ቃሊቲ ማረሚያ ቤት ቢዘዋወርም የናፈቀውን የተሻለ ህክምና ሳያገኝ ወደ ዝዋይ ማረሚያ ቤት እንዲመለስ መወሰኑን ለጉዳዮ ቅርበት ያላቸው ምንጮች አስታውቀዋል፡፡

ውብሸት ከቤተሰቦቹ ራቅ ባለ የዝዋይ ማረሚያ ቤት የእስር ጊዜውን እንዲገፋ በመደረጉ በየጊዜው መጎብኘት የተሳናቸው ቤተሰቦቹ በቅርበት ሊጎበኙት ወደሚችሉበት ማረሚያ ቤት እንዲዘዋወር ሲጠይቁ መቆየታቸው አይዘነጋም፡፡የቀድሞው የአውራምባ ታይምስ ምክትል አዘጋጅ ወደ ቃሊቲ እንዲዘዋወር ከተደረገ በኋላም ጤንነቱ ምንም አይነት መሻሻል ባለማሳየቱ ህክምና የማግኘት መብቱ እንዲከበርለት የማረሚያ ቤቱን ሃላፊዎች ሲጠይቅ ቆይቷል፡፡
ጋዜጠኛው ህክምና ለማግኘት በሚጠባበቅበት ሰዓት ወደ ዝዋይ እንዲመለስ መወሰኑ በቤተሰቦቹ ላይ ከፍተኛ ድንጋጤ ፈጥሯል፡፡ከዚሁ ጋር በተያያዘ አበበ ቀስቶና አቶ በቀለ ገርባ በተመሳሳይ መልኩ ከዝዋይ ማረሚያ ቤት ህክምና ማግኘት ወደሚችሉበት ቃሊቲ እንዲዘዋወሩ ቢደረግም ህክምና የማግኘት መብታቸውን የቃሊቲ አመራሮች ባለማክበራቸው ከእነህመማቸው እንደሚገኙ ምንጮቼ ጠቁመዋል፡፡

2 Comments

  1. Mandela was in ethiopia under the cover of jornalist.now a days jornalism is a cover for the criminals this guy is one of them. Now he preatend like a seek man to scape his preason term. Fool guy.fake jornalist. You dont know what jornalism is

Leave a Reply

Your email address will not be published.

This site uses Akismet to reduce spam. Learn how your comment data is processed.