ለብአዴን አባላት ……ከሰማችሁ …….ከሞግዚት አስተዳደር ተፋቱ! – አንበርብር ከአማራ ሳይንት

Filed under: News Feature,ነፃ አስተያየቶች |

tplfአፄ ዮሃንስ ንጉስ ተከለ ጊዮርጊስን ድል ነስተዉ ጎጃም ሲገቡ ራስ አዳል አልተደሰቱባቸዉም ነበርና ራስ አዳል ሸሽተዉ በርሃ ገቡ፡፡ አፄዉ ለራስ ደስታ ተድላ ዘመዳቸዉን ድረዉ በጎጃም ላይ ይሾሟቸዋል፡፡ ሆኖም ግን አፄ ዮሃንስ በራስ ደስታ ተድላ ላይ ሙሉ እምነት አልነበራቸዉምና በስራቸዉ ሐጎስ የሚባል አስተዳዳሪ ሾመዋል፡፡ ራስ አዳል ግብር በዛብን ያለዉን ህዝብ አስተባብረዉ የአፄ ዮሃንስ ሰራዊት ሲያጠቁ በዉጊያዉ አፄዉ የሾሟቸዉ ራስ ደስታ እና ሞግዚቱ ሐጎስ ይገደላሉ፡፡

የሟቾችን አስክሬን ወደቀብር ሲወጣ የራስ ደስታን በእንጨት አልጋ፤ የሐጎስን በአጎበር በተከለለ አልጋ ሲወሰዱ ባለቅኔዉ የጎጃም ህዝብ

“እኔስ ምን ቸገረኝ ካንተ አልዋጋ
እስራኤሉን በእንጨት ወታደሩን ባልጋ”

እያለ ሲቀኝ እንደነበር እና የሞግዚት አስተዳደር መጨረሻዉ ዉርድት እንደሆነ ታሪክ ይነግረናል፡፡(ምንጭ፡- የንግስና ሥርዓት እና የነገስታት የዘር ሃረግ፤በጥላሁን ብርሃነ ስላሴ)

የሞግዚትነት አስተዳደር ሙሉ አስተዳደር አይደለም፡፡ የይስሙላ አስተዳደር ነዉ፡፡ ሲፈለግ የሚፀና ሳይፈለግ የሚነሳ፣ ያልፀና እና መልካም ፈቃድን ያልተከተለ አሰራር ነዉ፡፡ የሞግዚትነት አስተዳደር ህዝብን ካለማመን የሚነሳ ቢሆንም ዋና ዓላማዉ የራስን የበላይነት ጠብቆ ማቆያ ነዉ፡፡

አፄ ዮሃንስ ጎጃሜዉንና ሆነ ራስ ደስታን ስላላመኗቸዉ፣ የሐጎስ ሞግዚትነት አስፈልጓቸዋል፡፡ የሞግዚት አስተዳዳሪነት ህዝብን ካለማመን እና ከመጠራጠር መጥቶ በመጨረሻዉ ሰዓት ክብር የሚሰጠዉ ለሞግዚቱ ነዉ፡፡

ሕወሓት-ኢህአዴግ በየቦታዉ ከሚሾማቸዉ አስተዳደሪዎች ጀርባ አንድ ሞግዚት እንደሚያስቀምጥ ትንሽ እልፍ ወይም ገባ ብሎ ለመመረመረ ከነደስታ ጀርባ ሺህ ሐጎሶችን መመልከት ይችላል፡፡ በሞግዚት አስተዳደር ስር መዉደቅ ሁለት ጊዜ መሞት ነዉ፡፡ አንድ ጊዜ ተንቆ እየተደገፉ መኖር እና ነፃነትን ማጣት ሲሆን ሁለተኛዉ በህዝቡም ሆነ በገዥወቻችሁ ፊት ታማኝነት ማጣት እና በስተመጨረሻ የራስ ደስታን ዕጣ መጋራት ነዉ፡፡

የብአዴን ሰዎች እኔ ከማዉቃችሁ ሰዎች ጨምሮ ኑሯችሁ የቀንድ አዉጣ፣ አስተዳደራችሁ የሞግዚት አስተዳደር እና ከሁለት ያጣ ወገን የሆናችሁ ናችሁ፡፡ በቅርብ እየሰማነዉ እንዳለሁ ጀርባችሁ ሲፋቅ ግንቦት 7 እየተባላችሁ፣ ታማኝነታችሁን አጥታችኋል፡፡ በእነ ሓዱሽ እየገፋችሁት ያለዉ የሞግዚት አስተዳደራችሁ ወደ ሞት የሚወስዳችሁ ከመሆኑ በላይ እናንተን በእንጨት ሞግዚታችሁን በወርቅ ሲጭኗችሁ ሁለተኘዉ ሞት ነዉ፡፡

ጊዜዉ ወደ ወገን የመጠቅለያ ነዉ፡፡ ያረጁትን የብአዴን መሪዎቻችሁን እርሷቸዉ እና ከአዲሱ የአማራዉ ክልል ትዉልድ ጋር ስለህዝባችሁ ተነጋሩ፡፡ በመንግስት ላይ አሻጥር እየሰሩ ስልጣን የያዘዉን አካል ማንኮታኮት እና ማዉረድ ከእናንተ ይጠበቃል፡፡ እኔ የማምናቸዉ ብአዴን ዉስጥ ሰርገዉ የገቡ የቅርብ ሰዎች አሉኝ፡፡ ድርጅቱን በብዙ ነገር እየበከሉት ቀፎዉን ሲያስቀሩትእያየሁ ብዙ ጊዜ አብረን የድርጅቱን መፍረሻ ቀን ቆጥረናል፡፡ አሁንም አስተሳሰብ ለዉጥ ላይ እያተኮርን በየመስሪያ ቤቱ ብአዴን በሚያካሂደዉ አደረጃጀት እና ስብሰባ እየገባን ሌሎችን በአስተሳሰብ ነፃ እያወጣን ጎድጓዱን አርቀን መቆፈር እንችላለን፡፡

እንደ መዉጫ የሞግዚት አስተዳደርነት መነሻዉ ህዝብን መናቅ እና አለማመን ስለሆነ እንደ ራስ ደስታ ሁለተኛ ሞት ሳንሞት ራሳችን ከሞግዚትና ከአሳዳሪዎቻችን ነፃ እናድርግ፡፡ የብአዴን አባሎች ሕወሓት በተደጋጋሚ ጀርባቸዉን ሲፍቀዉ ግንቦት 7 ናቸዉ እያላችሁ ሳትታመኑ አብራችሁ ልትኖሩ አይገባም፡፡ ከድርጅቱ በአስተሳሰብ በልጣችሁ ሄዳችሁም አልሄዳችሁም ከመጠርጠር እና ካለመታመን ስለማትድኑ ዛሬዉን ከሞግዚት አስተዳደር ራሳችሁን አላቃችሁ ተከተሉን፡፡

 

2 Responses to ለብአዴን አባላት ……ከሰማችሁ …….ከሞግዚት አስተዳደር ተፋቱ! – አንበርብር ከአማራ ሳይንት

  1. ብአዴን አእላፍ ትንታግ ታጋዮች ያሉት የሃቀኛ ታጋዮች መፍለቂያ ድርጅት መሆኑን አትዘንጋ ታጋዩም ዓላማውን ጠንቅቆ የሚያውቅና ሌላውን ለማስተማር ብቃት ያለው ነው አሁን ከኤርትራ ምን ሊገኝ ነው በናንተ ተስፋ የሚያደርገው ወይስ የጀመረውን ልማት ከናንተ ጋ በማበር ለማደናቀፍ ይተባበራል ብላችሁ አስባችሁ ነው እውነትም የዋሆች ናችሁ ጃል ይልቁንስ እናንተ በሞቀ ቤታችሁ ሆናችሁ በማይሆን ተስፋ ወገናችንን ባታስጨርሱ ጥሩ ነው

    Avatar for kurabachew

    kurabachew
    March 23, 2015 at 4:09 pm
    Reply

  2. ወንድም ኩራባቸው ስምህን እባክህ ቀይር፡፡ አያምርብህም፡፡ “ኩራባቸው” እያልክ በየመጣጥፉ ሥር የምትሞነጫጭረው ነገር ያንተን ኩራባቸውነት ሳይሆን ሐጎስነትህን ነው የሚያሳብቀው፡፡ እናም ትንሽ አፈር እንድትልና እውነተኛውን ወይም ወደእውነተኛው ጠጋ የሚል ስም እንድትጠቀም እመክርሃለሁ፡፡ ችግር እኮ የለውም፤ ዘሀበሻም ቢሆን በየትኛውም ወያኔያዊ ስም ብትጠቀም አስተያየትህን አንለጥፍም የሚሉ አይመስለኝም፡፡ ዓላማና ማንነት የሚለካው በስም ሳይሆን በአንደበትና በተግባር በሚታይ አድራጎት ነው፡፡ እናም ውድ ወያኔው ወንድሜ “ኩራባቸው” ሆይ! ምክሬን ስማኝና ስምህን ለውጥ፡፡ በሰዎች ስም አትነግድ፡፡ መታወቅህ ለማይቀረው ቢያንስ ይህችን ትንሽ ትዝብት እንኳን በራስህ “ብልህነት” አስወግዳት፡፡ ሞኝ! አማራን የሚጨርስ ወያኔ `ኩራባቸው` ብሎ ሲመጣና ፀረ-ኢትዮጵያ የሆነው የአፓርታይድ ሥርዓት እንዲቀጥል ሲሟገት አያፍርም? የምትጨርሷቸው ንጹሓን አማሮች ዐፅምስ ምን ይላችኋል? ነውር ነው፡፡

    Avatar for በላ ልበልሃ

    በላ ልበልሃ
    March 24, 2015 at 1:49 pm
    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.