ቴዎድሮስ ካሳሁንየአዲስ አበባ ሚሊኒዬም አዳራሽ ያቀረበው የሙዚቃ ትርዒት በዲቪዲ ተዘጋጅቶ የፊታችን ቅዳሜ ለሕዝብ እንደሚደርስ ታወቀ

Filed under: News Feature,ኪነ-ጥበባዊ ዜና |

ዝነኛው ድምፃዊ፣ የዜማና ግጥም ደራሲው ቴዎድሮስ ካሳሁን (ቴዲ አፍሮ) ጥቅምት 14 ቀን 2011 ዓ/ም 25 ሺህ ሕዝብ በታደመመበትና በታሪካዊው የአዲስ አበባ ሚሊኒዬም አዳራሽ ያቀረበው የሙዚቃ ትርዒት በዲቪዲ ተዘጋጅቶ የፊታችን ቅዳሜ ለሕዝብ እንደሚደርስ ታወቀ::

ይህ ሲዲ ለገና በዓል ሊቀርብ የነበረ ቢሆንም በአርቲስት ጎሳዬ ተስፋዬ ጥያቄ መሰረት መራዘሙን ዘ-ሐበሻ ቀደም ሲል መዘገቡ ይታወሳል::

ቴዲ ከ16 ዓመታት የሙያ አጋሮቹ አቡጊዳ ባንድ ጋር ያቀረበው የሙዚቃ ኮንሰርት ከድምፅና ሙዚቃ ቅንብሩ እስከ መድረክ ቁጥጥሩ የተሳካና በኮንሰርቱ የታደሙትን ያረካና የተዋጣለት ቅንጅት የነበረው ታረካዊ ትርዒት እንደነበር ሲነገር የቆየ ሲሆን ይህን ታሪካዊ ዝግጅት በቦታው ተገኝተው ላልተመለከቱ፣ በዕለቱም ታድመው ለታሪክ ማስታወሻነት በከፍተኛ የድምፅና የምስል ጥራት የተቀረፀውንና የተቀነባበረውን ቪዲዮ ለሚፈልጉ ሁሉ፤ በልዩ ሁኔታ የተዘጋጀው ታሪካዊ ዲቪዲ ከፊታችን ቅዳሜ የካቲት 16 ቀን ጀምሮ በገበያ ላይ እንደሚውል አሳታሚዎቹ ከላኩት መረጃ ተረድተናል::

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.