አዴፓ በአዲስ አበባ የባለቤትነት ጉዳይ ላይ ጠንካራ አቋም እንዳለው አስታወቀ

Filed under: News Feature,የዕለቱ ዜናዎች |

የአማራ ዴሞክራሲያዊ ፓርቲ (አዴፓ) አዲስ አበባ የነዋሪዎቿ እንድትሆን እና አግላይ አመለካከቶች እንዲወገዱ በትኩረት እንደሚሠራ አስታወቀ:: ድርጅቱ በአዲስ አበባ ከሚገኙ የአዴፓ አመራሮች ጋር ከተወያየ በኋላ ዉይይቱን የመሩት የአዴፓ ማዕከላዊ ኮሚቴ ጽሕፈት ቤት ኃላፊ አቶ ምግባሩ ከበደ እንደገለጹት አዲስ አበባ የነዋሪዎቿ እና የኢትዮጵያ መዲና እንጅ የማንም አይደለችም፡፡

አዲስ አበባን የነዋሪዎቿ መዲና እንዳትሆን አጀንዳውን የሚያራግቡት ለዉጡን የማይደግፉ ኃይሎች የሚጠነስሱት የፖለቲካ ሤራ መሆኑን ነው ያሉት አቶ ምግባሩ ፡ ‹‹ችግር የሚፈጥሩ ግለሰቦች ወይም አመራሮች ካሉም በማጣራት እና ከሚመለከተዉ አካል ጋር በመሆን ጉዳዩ ይፈታል:: በአዲስ አበባ ባለቤትነት ጉዳይ አቋማችን ጠንካራ ነው›› ብለዋል፡፡

የአዲስ አበባ ከተማ አስተዳደር ምክትል ከንቲባ እና የንግድና ኢንዱስትሪ ቢሮ ኃላፊ ኢንጅነር እንዳወቅ አብቴ በበኩላቸዉ ‹‹አዲስ አበባ የራሷ መዋቀር እና አስተዳደር ያላት የኢትዮጵያ እና የአፍሪካ ከተማ እንጅ የማንም አይደለችም::” ብለዋል;; በዚህ ጉዳይ ላይ ችግር ካለም በዉይይት እንደሚፈታና ችግር ፈጣሪዎችም ተናግረዋል:: በአዲስ አበባ የሚኖሩ የአዴፓ አመራሮችም አዲስ አበባ የሚኖረዉ የአማራ ሕዝብ መብትና ጥቅም እንዲከበር ጠንክረዉ እንደሚሠሩ በመግለጫቸው ላይ ተናግረዋል::
በሌላ በኩል አዴፓ በዛሬው ዕለት በአራዳ ክፍለ ከተማ ከአባሎቹ ጋር አድርጓል::
ይህ በ እንዲህ እንዳለ የሕወሓት 44ኛ ዓመት የምሰረታ በአል በአዲስ አበባ የተለያዩ ክፍለ ከተማዎች ተከብረዋል:: በአራዳ ክፍለ ከተማ እና በአቃቂ ቃሊቲ የሚኖሩ የድርጅቱ ደጋፊዎች እና አባላት የመለስ ዜናዊን ምስል ይዘው ወጥተዋል::

2 Responses to አዴፓ በአዲስ አበባ የባለቤትነት ጉዳይ ላይ ጠንካራ አቋም እንዳለው አስታወቀ

  1. በታሪክ ኣጋጣሚ፣ ትናንት ኣባቶቻችሁ ኢትዮጵያ ነጻነቱዋን ጠብቃ ፣ ልጥቁር ህዝብ የነጻነት ኣርማ እንዳረጉዋት ሁሉ ፣ዛሬ በእናንተ ጫንቃ ላይ ኢትዮጵያን እንደ ሀገር የማስቀጠል ሀላፊነት ተጥሎኣል።
    ንቁ፣ ተደራጁ ፣ ኣደራጁ !!
    እግዛብሄር እትዮጵያን ይጠብቅ !!

    Zega
    February 23, 2019 at 10:16 pm
    Reply

  2. አዲስ አበባ የብሔረሰብ ይሁን ከተባለ የአማራ ናት። ምክናያት ከተፈለ ሺ ምክናያት መዘርዘር ይቻላል።

    fix
    February 25, 2019 at 7:37 am
    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.