የዛሬው የሊቃነ ጳጳሳት ምልዓተ ጉባዔ ውሎ – ነገሰ ተፋረደኝ

1 min read
1

 “እኔ መቃብር እስክገባ እፋለማለሁ”  [አቡነ ማቲያስ]

የዛሬው የዕለተ ሐሙስ አስቸኳይ ቅዱስ ሲኖዶስ ስብሰባ ከ60 ሚልዮን በላይ የኦርቶዶክስ አማኝ በጉጉት ሲጠብቀው የነበረ ጉባዔ ነበር። ጉባዔው ወደፊት የቤተክርስቲያናችንን የጉዞ ምዕራፍ የሚያሳምር ወሳኝ ጉባዔ ነበር። ጉባኤው ወደ ሰባት አጀንዳዎችን ቀርጾ ነበር ስብሰባውን የጀመረው። ከወትሮው በተለየ ብፁዓን አበው ሊቃነ ጳጳሳት የተቃጠሉ አብያተክርስቲያናት እና የታረዱ ካህናት፤ የፈሰሰው ደምና እንባ በሕሊናቸው እያቃጨለ በቁጭትና በመንፈሳዊ ወኔ ተሞልተው ነበር ስብሰባውን የጀመሩት።

በብፁዕ ወቅዱስ አቡነ ማትያስ ጸሎት አድርሰው ውዳሴ ማርያምና ጸሎተ ማርያም ተደርሶ 3:00 ላይ ስብሰባው ተጀመረ። ብፁዕ ወቅዱስ አቡነ ማትያስ የእንኳን ደኅና መጣችሁና አስቸኳይ ምልዐተ ጉባዔው መጠራት ለምን እንዳስፈለገው አጭር ንግግር አደረጉ። በመቀጠልም የቅዱስ ሲኖዶስ ዋና ጸሐፊ አቡነ ዮሴፍ በሚያምር አንደበታቸው ስለሚወያዩባቸው አጀንዳዎችና ማብራሪያ ሰጡ።

ቤተክርስቲያን ስለደረሰባት መከራና መራር ዘግናኝ ታሪክ የማይረሳው ሰቆቃ ውይይት ተጀመረ። የቅዱስ ሲኖዶሱ ድባብ አትጠይቁኝ መንፈስ ቅዱስ የወረደ እስኪመስል ድረስ ይናገራሉ ተብሎ የማይጠበቁ አባቶች ሳይቀር ያወርዱት ጀመር።

•°• ማን ምን አለ በከፊል፦
•ብፁዕ ወቅዱስ አቡነ ማትያስ፦
“እኔ አባቶቼ ቤተክርስቲያን ብቻ አይደለችም የተቃጠለችው። የ3000 ዓመት የኢትዮጵያ ታሪክ ጭምር እንጂ። ታዲያ ታሪክ ሲቃጠል ዝም የሚል መንግሥት ምን ይሉታል? ተሸውደናል፤ ተንቀናል፤ የፈራ ይመለስ፤ እኔ መቃብር እስክገባ እፋለማለሁ”

• አቡነ ሩፋኤል
” አባቶቼ የደረሰብንን ዘግናኝ ግፍ አንረሳውም። አሁን ማንንም የምንጠብቅበት ዘመን ላይ አደለንም። ሁላችን ወደ ፊት! እኔን የሚያስተዳድረኝ ሰማያዊ መንግስት ነው።”

• አቡነ ጎርጎርዮስ
“ኦርቶዶክስ ሀገር ናት ብሎ የነገረን መንግሥት ቤተክርስቲያን ስትቃጠል ሀገር መቃጠሏን ረስቷል። ቅድሚያ ሰላም ማምጣት ነበር ተቀዳሚ ተግባሩ”

ከዚህ ውይይት በኋላ የኦሮሚያ ክልል ፕሬዝዳንትና የጠቅላይ ሚንስተሩ ተወካይ ዲያቆን ዳንኤል ክብረት ገቡ። ሁሉም አበው ጋር የሚነበበው እንደ ቀድሞው ባለሥልጣን ሲመጣ እንደሚያስተናግዱት ሳይሆነ በሃዘኔታ ገፅታ ተቀበሏቸው።

ብፁዕ ወቅዱስ አቡነ ማትያስም ቤተክርስቲያን ስለደረሰባት ችግር አብራርተው ጥያቄዎችን ማዝነብ ጀመሩ። ከበርካታ ንግግራቸውና ጥያቄያቸው በጥቂቱ፦ “መንግሥት ሥራውን እየሠራ ነው ብለን ባናምንም ትመልሱልናላችሁ ብለን ተስፋ ባናደርግም ለመሆኑ በኦሮሚያ ክልል ከክልል ዞንና እስከ ቀበሌ ድረስ የምትሾሙት ፕሮቴስታንትን ብቻ ለምን ሆነ? ኦሮሚያ ኦርቶዶክስን ለማጥፋት የሚደረገውን እንቅስቃሴ የሚመሩት አካላት ማን ነው ዕድል የሠጣቸው የልብ ልብ ማን ሠጣቸው?” ለምንድነው በኦሮሚያ ክልል የፕሮቴስታንት ተከታይ ባለሥልጣናት ብቻ እየተሾሙ ቤተክርስቲያን እንድትፈተን የሚደረገው? ስለቤተክርስቲያንስ ስንጮህ በመንግሥት ወንበር ላይ ተቀምጠው ሳለ ድምፃችንን የማትሰሙን ለምንድነው?” ሲሉ ፊቱ በውርጭ እስኪገረጣ የሚያስደነግጥ ጥያቄ ያቀረቡ ሲሆን ሌሎች ሊቃነ ጳጳሳትም በክልሉ ከፍተሻና ሌሎች ጉዳዮች ጋር በተያያዘ የሚደርስባቸውን እንግልት አስከትለው አቅርበዋል። “ኧረ ለመሆኑ ግለሰቦችንስ የልብ ልብ የሚሰጠው ማነው?”(እነ ሜንጫ ጃዋርንና ቀውስ በላይን መሆኑ ነው።) ሲሉም በኦሮሚያ ክልላዊ መንግሥት በኩል ለዘረኞችና ፀረ ቤተክርስቲያን አካላት የሚያደርገውን ድጋፍ ኮንነዋል። ምዕላተ ጉባዔው የቅዱስነታቸውን ብርታት እያየ ፊታቸው በደስታ ተሞላ።

አቶ ሽመልስ ባፋጣኝ “እናስተካክላለን ከእናንተ ከአባቶቻችን ጋር መስራት እንፈልጋለ” ከማለት የዘለለ የሚያወራው ሁሉ በፍርሐት ነበር።

በየተራ እየተነሱ አወረዱት ስንቱን አውርቼና ጽፌ ስንቱን ልተወው ምንስ ያልተናገረ አባት አለ ሁሉም እረ ጉድ ነው። መላ የሲኖዶስ አባላት ተናገሩት አይገልጸውም። ወደፊት ምን እንሥራ የችግሩ ምንጭ የሆኑ ተልካሻ አሰራራችንም ይፈተሽ ተዋሕዶን እናስቀድም የውይይቱ አካል ነበር።

ጉባዔው አሁን ቀቀጥሏል ውሳኔዎች ይጠበቃሉ።
የዩቲዩብ ቻናላችንን ተቀላቀሉማ!
https://www.youtube.com/channel/UCoCuXZDlrJCXCkmPvire0NQ

ድል ለእምዬ ለተዋሕዶና ኢትዮጵያ፤ ውድቀት ለጠላቶቻችን!
30/12/2011