የህወሓት ማእከላዊ ኮሚቴ መግለጫ

Filed under: የዕለቱ ዜናዎች |

የህወሓት ማእከላዊ ኮሚቴ ከመስከረም 26 እስከ ጥቅምት 2/ 2012 ዓ/ም ድረስ ለተከታታይ 7 ቀናት ባካሄደው መደበኛ ስብሰባ በ2011 ዓ/ም ተይዘው የነበሩ የልማትና የመልካም አስተዳደር ዕቅዶች፤ ድርጅታዊና ፖለቲካዊ ስራዎች በተለይ ደግሞ በአዲሱ የፖለቲካ መድረክ የትግራይ ህዝብ ህልውና፣ ደህንነትና ዋስትና ለማስጠበቅ የተካሄደ ሁለንተናዊ የመመከት ትግል እና ይህንን መሰረት በማድረግ የተሰሩ ስራዎች በዝርዝር ገምግሟል፡፡ በዚህ ልዩ የትግል ምዕራፍ የታዩ ጥንካሬዎችንና ጉድለቶችን በመገምገም ሊወሰድ የሚችል ትምህርት በመለየት በዚህ ዓመት ሊሰሩ የሚገባቸው ልማታዊና ፖለቲካዊ ዕቅዶችንም አጽድቋል፡፡

በተጨማሪም አሁን ያለው ተጨባጭ አገራዊ ሁኔታዎችንና ዕድገቶችን በመገምገም በቀጣይ ለሚኖረው ትግል መሰረት ያደረገ የመመከትና ደህንነትን የማረጋገጥ አቅጣጫዎችንና ዕቅዶችን በዝርዝር ተወያይቶ በዚህ ዓመት ሊኖር የሚችለውን ሁለንተናዊ ትግል ወደ ላቀ ደረጃ ለማሸጋገር የሚያስችሉ ውሳኔዎችን በማሳለፍ ስብሰባውን አጠናቋል፡፡
ባለፈው ዓመት ተይዘው የነበሩ የልማት፣ የመልካም አስተዳደርና የሰላም ዕቅዶችን በቀጣይነት ለማስፋትና ለማጎልበት የሚያስችል ዘርፈብዙ ጥረት እየተካሄደ ቆይቷል፡፡ ከጀመርነው የፀረ- ድህነት ትግል ለአፍታም ሳንዘናጋ፣ በዋነኛው አጀንዳችን ላይ ለመረባረብ የሚያስችል አቅጣጫ ይዘን ሰፊ ርብርብ ስናደርግ ቆይተናል፡፡ በህዝባችን የተደራጀ ትግልና እንቅስቃሴ ከትክክለኛ መንገዳችን ሳንወጣ በልማት እቅዶቻችን ላይ ከፍተኛ ትኩረት በማድረግ ስንሰራ ቆይተናል፡፡

የሁሉም ዘመቻዎቻችንና ርብርቦቻችን ትኩረት የህዝባችን ደህንነትና ህልውና ከማስጠበቅ አንፃር እየቃኘንና ቅድሚያ ሰጥተን፣ የሁሉም ነገር ማጠንጠኛ ልማትና የህዝባችን ተጠቃሚነት ማረጋገጥ መሆኑን በማመን ሁሉም ነገር ትተው ከነ አካቴው ወደ ጥፋት በገቡና ይባስ ብለው እኛንም ጎትተው ከመንገዳችን ሊያስወጡን በሚጥሩ ሀይሎች ሳንደናገር ስራችንን ማእከል አድርገን ከፍተኛ ርብርብ ስናደርግ ቆይተናል፡፡

ልማታዊ ዲሞክራሲያዊው መስመራችንን ጨብጠን የህዝባችን ተጠቃሚነት ለማረጋገጥ በተለይ ደግሞ የወጣቶችንና የሴቶችን ተጠቃሚነት ለማስፋት የሚያግዙ ተግባሮች በትግራይ እንዲከናወኑ ስናደርግ ቆይተናል።

ህዝባችን በየጊዜው የሚያነሳቸውን የመልካም አስተዳደር ጥያቄዎች ለመፍታት ጥረት እየተደረገ ነው፡፡ በመልካም አስተዳደር መሰረታዊ ለውጥ ለማምጣት የቆዩ ችግሮች ፈትተን የህዝባችን ፍላጎቶች ለመመለስ የቀበሌን መዋቅር ለማስተካከል የተጀመረው የሪፎርም ስራ ተስፋ በሚሰጥ ደረጃ ወደ ተግባር ገብቷል፡፡ ስፋትና ጥልቀት ባለው ሁኔታ ሲደረግ የነበረው የወረዳ ሪፎርም ጥናትም ህዝባችን ልማትና ውጤታማ አገልግሎት እንዲያገኝ በሚያስችል መልኩ በዚህ ዓመት በከፍተኛ ትኩረት ለመፈፀም እንስቃሴ እየተደረገ ቆይቷል፡፡ ይህ በቀጣይ ለሚኖሩን ስራዎች እንደ አንድ ትልቅ መነሻ ሆኖ ተጨባጭ ለውጥ ለማምጣት ያግዛል፡፡

ይሁን እንጂ በልማት ስራዎቻችን በሚፈለገው መጠንና ስፋት በሚጠበቀው መጠን ውጤት ያላስመዘገብንባቸው ሁኔታዎች አሉ፡፡ በዋናነት በመልካም አስተዳደር ጉዳይ አሁንም ችግሮቻችን ሰፋፊ መሆናቸውን አይተናል፡፡ እየተጠራቀሙ በመጡ ችግሮች ሳቢያና በማስፈፀም አቅማችን ጉድለት ምክንያት ያልፈታናቸው የልማትና የመልካም አስተዳደር ችግሮች እንዳሉ እንገነዘባለን፡፡ በተለይም በወጣቶችና ሴቶች ተጠቃሚነት ላይ አሁንም ሰፊ ችግር እንዳለ፣ በገጠርም በከተማም እየታየ ያለው የመሬት አስተዳደር ችግር፣ አገልግሎት በመስጠት ዙርያ ያለው ችግርና መንገላታት፣ ለልማት ምቹ ሁኔታ በመፍጠር ዙርያ ያሉ መዘግየቶችና እንቅፋቶች እንዲሁም ሌሎች ተዛማጅ ችግሮች የህወሓት ማእከላዊ ኮሚቴ በዝርዝር የተመለከታቸው ጉዳዮች ናቸው፡፡
በመሆኑም እነዚህ ችግሮች በዚሁ ዓመት “በጊዜ የለም” መንፈስ እንዲፈቱ ከፍተኛ ጥረትና ርብርብ ማድረግ እንደሚያስፈልግ ተመለክተናል፡፡ የልማት ስራችን የሁሉም ቋጠሮ መሆኑን በመገንዘብ፣ ለዘላቂ ህልውናችንና ደሕንነታችን መረጋገጥ ባለው ትርጉም ተገንዝበን በላቀ ቁርጠኝነትና ወኔ ልንዘምትና ልንገሰግስ ይገባል፡፡ ከዚህ የልማት እንቅስቃሴ የወጣቶችንና የሴቶችን ተጠቃሚነት ለማረጋገጥ የላቀ ርብርብ ይደረጋል ብቻ ሳይሆን የእንቅስቃሴው አስኳል ይሆናል፡፡
ከዚህም አልፎ በእያንዳንዱ አከባቢ ያለው ፀጋ ግምት ውስጥ ያስገባ የልማት አደረጃጀትና ስምሪት እንዲደረግ እና በዚሁ ላይ የሚመሰረት በገጠርም ይሁን በከተማ ወደ አዲስ የልማት እንቅስቃሴ የሚያስገቡ አቅጣጫዎችንም የህወሓት ማእከላዊ ኮሚቴ ለይቷል፡፡ የተጀመረው የቀበሌና የወረዳ ሪፎርም ስራ ተጠናክሮ ወደ ተግባር እንዲገባና በመልካም አስተዳደር መሰረታዊ ለውጥ እንዲያመጣ እንቅስቃሴ እንዲደረግ የህወሓት ማእከላዊ ኮሚቴ አቅጣጫዎችን ለይቶ አስቀምጧል።

የተከበርክ የትግራይ ህዝብ፤

ባለፈው ዓመት በአንድ በኩል ፀረ ድህነት ትግል በማካሄድ፣ በሌላ በኩል ደግሞ የትምክህት ኃይሎችን በመመከት ላይ ቆይተናል። የትግራይ ህዝብንና ህወሓትን ለማንበርከክ ከሁሉም አቅጣጫዎች ሲያጋጥመን የቆየው ፈተና ቀላል አልነበረም። እንደፈለግነው እንዳንሆን ማለፊያ የከለከሉን እና የጎን ውጋት እየሆኑብን ያሉት “የትግራይ ህዝብና ህወሓት ናቸው” ብለው ማለቂያ የሌለው ሴራና በደል ለመፈፀም ያልሞከሩት ፀረ-ህዝብ ተግባር አልነበረም።
ይሁን እንጂ ምኞታቸውና ዓላማቸው ስለተገነዘብን በትክክለኛ መንገድ ያደረግነው ፍትሃዊ ትግልና የመመከት ተግባር የጠላቶቻችን ምኞትና ህልም አምክነን ወደፊት እየተራመድን እንገኛለን። በህዝባችን ፅኑ አንድነትና ስምረት፣ በበሳል ንቃትና ምክንያታዊ ትግል፣ በማይነጥፍ ወኔ የተሳካ የመመከት ተግባር ስናከናውን ቆይተናል። ይህ ከትግራይ ህዝብ ጥረትና ትግስት ውጭ እንደማይሳካ እሙን ነበር። ያለፈው የሩቅና የቅርብ ታሪክህ እንደሚያሳየው ከትግልህና ከጥረትህ ውጭ መብትህንና ጥቅምህን ለማስከበር ፍቃድ የሚሰጥህ አካል አልነበረም፤ አሁንም አይኖርም።
ሁሉ ጊዜ ለፍትህና ለእኩልነት እንደቆምክ፣ ትክክለኛ መስመርህንና ዓላማህን ይዘህ በፅናት እየታገልክ፣ በሁሉም የትግል ምዕራፎች ያጋጠሙህ መሰናክሎችንና እንቅፋቶችን እየጠራረግክ በመጓዝ ላይ ትገኛለህ። ወደፊትም ብቸኛው መንገድህ ይህና ይህ ብቻ ነው። በዚህ እልህ አስጨራሽ የትግል ምዕራፍ ያካሄድከው ወደር የለሽ የመመከት ተግባር በአጠቃላይ የትግራይ ህዝብ፤ በተለይም ደግሞ የትግራይ ወጣቶች፣ ምሁራንና ሴቶች ለፈፀማችሁትና እየፈፀማችሁ ላላችሁት ገድል የህወሓት ማእከላዊ ኮሚቴ የተሰማውን ክብርና ኩራት በዚህ አጋጣሚ ሊገልጽላችሁ ይወዳል።

የተከበርክ የትግራይ ህዝብ

አሁንም ቢሆን ሁኔታዎች እየከበዱና እየባሱ በመምጣታቸው ደህንነትህንና ህልውናህን ለማስጠበቅ የምታደርገው ትግል ይበልጥ አጠናክረህ ልትቀጥልበት ይገባል፡፡ ሁሉም ህዝብ ሊገነዘበው የሚገባ ሃቅ ሊገጥመን የሚችለው ፈተና እና ፈተናውን ለመሻገር የሚጠይቀን ትግልና ጥረት እጅግ እየከበደ ሊመጣ ይችላል። ወደፊት መራመድ ሲያቅታቸው፣ በራሳቸው ድክመትና ፀረ-ህዝብ ተግባራቸው ፈተና ሲበዛባቸው ወደ ሌላ ወገን እየለጠፉ እያደናገሩ ዕድሚያቸውን ለማራዘም ጥረት ማድረጋቸው አይቀርም፡፡ አንድነትህንና ፅናትህን ለማደፍረስ በውስጣችን የሚታዩ ችግሮችን እንደ ዕድል ለመጠቀም እየሰሩ ይገኛሉ፡፡ አልፎ አልፎ የሚታየውን ከባቢያዊነትም ይሁን በሃይማኖት ስም በመካከልህ ልዩነት ለመፍጠር ያላሳለሰ ተግባር እየፈጸሙ ይገኛሉ፡፡ ይህን ለማስጽፈፀም ታስቦ የሚላከው ባንዳ ቀላል ግምት የሚሰጠው አይደለም፡፡ ይህ እንደሚሆን ተገንዝበህ እንደወትሮህ አንድነትህን አጠናክረህ፣ በአንድ ላይ ሆነህ ለላቀ ትግል ተዘጋጅ፡፡ የምንጊዜም ዋስትናህና የድል አድራጊነት ምስጢር አንድነትህ፣ መስመርህና ፅናትህ ነው፡፡ የትግራይ ወጣቶች፣ ሴቶች፣ ባለሃብቶችና ምሁራን አሁንም እንደቀድሞ በአንድነት ፀንታችሁ ሊኖረን ለሚችለው ትግል በላቀ ደረጃ ልትዘጋጁ ይገባል፡፡
መላው የድርጅቱ ኣባላትና አመራሮችም የላቀ ፅናትና ተነሳሽነት የሚጠይቀውን ትግል ህዝባችንን ይዘን ወደ ዘላቂ ድል ለመገስገስ መሪ ሚናችሁን ልትፈፅሙ ይገባል፡፡ ከዚህ ባለፈ የትግራይ ህዝብ ህልውናና ደህንነት ለማረጋገጥ በሚደረገው ትግል የነበረውን የትግል አቅሞች ሁሉ ለማንቀሳቀስ ይሰራል፡፡ በትግራይ ውስጥ ካሉ ፖለቲካዊ ድርጅቶችና ሲቪክ ማህበራትም በጋራ ለመስራት ህወሓት የተለየ ትኩረት ሰጥቶ እንደሚሰራ ሊያረጋግጥላችሁ ይወዳል፡፡

የተከበርክ የትግራይ ህዝብ፤

የህወሓት ማእላዊ ኮሚቴ በስፋት ካያቸው መሰረታዊ ጉዳዮች አንዱ በሀገራችን እየታየ ያለው ፈጣን አደጋና ወዲፊትም ሊኖረው የሚችል አጠቃላይ ሁኔታ የሚመለከት ነው፡፡ በአሁኑ ወቅት በአገራችን ከጊዜ ወደ ጊዜ ችግሮች እየተበራከቱ፣ ጥፋት በጥፋት ላይ እየተደራረበ፣ የጥፋቱ ስፋትና መጠን በየቀኑ እየጨመረ ወደ ከፋ አገር የመበተን ደረጀ እየደረሰ ነው፡፡ አደጋው ወደ ከፋ ደረጃ እንዲሄድ እያደረገ ያለው አንዱ ምክንያት የፓርቲ ውህደት ለመፈፀም እየተደረገ ያለው የችኮላ እንቅስቃሴ ነው፡፡ የፓርቲ ውህደት ጥያቄ በኢህአዴግ ውስጥ በተለያየ ጊዚያት እየተነሳ የቆየና ይህንን ለማድረግ ደግሞ ሊሟሉ የሚገባቸው መሰረታዊ ጉዳዮች እንዲታዩና በጥናት ላይ በመመስረት እንዲመለሱ መግባባት ላይ የተደረሰበት ጉዳይ ነው፡፡ ህወሓትም ቢሆን በመሰረተ ሃሳብ ደረጃ የተለየ እምነት አልነበረውም፡፡ ሆኖም ግን ይህን ለማድረግ በሁሉም መሰረታዊ የመስመር ጥያቄዎች፣ ፕሮግራም፣ ስትራቴጂ ወደ አንድ የሚያስተሳስር አመለካካተና እምነት በሁሉም እህት ድርጅቶች ሲፈጠር ብቻ ነው መተግበር የሚችለው፡፡ አንድ ሊያደርግ የሚችል የጋራ የአመለካከትና የተግባር አንድነት በሌለበት ወቅት አንድ ድርጅት እንደ ድርጅት መጠን ህልውና ሊኖረው አይችልም፡፡ ከውህደት በፊት የሚያዋሃህድ አመለካከትና እምነት መለየት አለብን፡፡ ኢህአዴግንና አገርን እየበተኑ ካሉት የተገዙ ደባል አመለካከቶች የሚለይ መስመር እና አጥር በጠራ መልኩ ሳይለይና ሳይቀመጥ ውህደትን ማሰብ አይቻልም፡፡ በደፈረሰ አመለካከትና በአንድነት ሊሰምሩ በማይችሉ እሳትንና ጭድ አስተሳሰቦችን በተሸከመ ኢህአዴግ አይደለም ውህደት ቀርቶ በግምባርነት ለመቀጠል የማይችል የተበተነ ድርጅት ነው አሁን ያለው፡፡ እንደዚህ ያለ የተበተነ ድርጅት ወደ አንድ ፓርቲ ውህደት ይመጣል ብሎ ማሰብ በራሱ ድርጅቱን ከመበተን አልፎ አገርን የሚበትን ተግባር ነው ሊሆን የሚችለው፡፡

ከዚህም አልፎ በቅርቡ ከግንባሩ እምነትና መተዳደሪያ ደንብ ውጭ የፓርቲ ውህደት ለመፈፀም እየተደረገ ያለው ሩጫ ችግሩ እንዲባባስ የሚያደርግ ፀረ-ዲሞክራሲያዊ አካሄድ እየሰፋ መምጣቱን የሚያሳይ ነው፡፡ የቅርፅ ውህደት ብቻ ሳይሆን በይዘትና በያዘው ፕሮግራሙ በመሰረቱ የተለወጠ አዲስ ፓርቲ ለመመስረት ነው ጥረት እየተደረገ ያለው፡፡ ይህ ሲሆን የኢትዮጵያ ህዝቦች ኢህአዴግ ለያዘው ፕሮግራም መሰረት አድርገው የሰጡት አገርን የመምራት ስልጣን ያከትማል ማለት ነው፡፡ አገርን ለመምራት ሓላፊነት ያልተሰጠው አዲስ ፓርቲ እንዲመሰረት ነው እየተደረገ ያለው፡፡ እንዲህ ያለ አዲስ ፓርቲ በሃገራችን ፖለቲካዊ ድርጅቶች የምዝገባ ህግ ያላለፈ፣ በህዝቦች ፈቃደኝነት በስልጣን ላይ ለመቆየትም ሆነ ስልጣን ለመያዝ ለመወዳደር የማይችል ህገ-ወጥ ድርጅት ነው የሚሆነው፡፡
በመሆኑም በውህደት ስም በፍፁም ፀረ-ዴሞክራሲያዊ መንገድ አዲስ አሃዳዊ ድርጅት ሊመሰረት አይገባም፡፡ በሁሉም መለኪያዎች አንድ ፓርቲ ለመሆን የሚያስችል መነሻና ምክንያት በሌለበት ኢህአዴግን አፍርሶ ሌላ ፓርቲ ለማቋቋም ማሰብ አገርን የሚበትን ተግባር ነው፡፡ ስለዚህ ኢህአዴግ እንደ ግንባር ተደራጅቶ ችግሮችን በትግል እየፈታ አገር ሊመራ ይገባል፡፡ ከጊዜ አንፃርም ይህ ሊቆይ የሚገባው ጉዳይ ነው፡፡ አጋር ድርጅቶችም በውህደት ስም እየተደረገ ያለው እንቅስቃሴ ህልውናችሁን የሚያጠፋ መሆኑን ልትገነዘቡ ይገባል፡፡ ይሁን እንጂ አጋር ድርጅቶች ወደ ኢህአዴግ በሙሉ አባልነት ገብታችሁ በጋራ ትግልና ጥረት አገርን የሚያድን ተግባር ሊትፈፅሙ እንደሚገባ ህወሓት በፅናት ያምናል፡፡ ከዚህ ውጭ ህወሓት በእንደዚህ ያለ አገርን የሚበትን ተግባር ውስጥ ገብቶ ሊንቦጫረቅ እንደማይፈልግ ሊታወቅ ይገባል፡፡ መላው የኢትዮጵያ ብሄሮች፣ ብሄረሰቦችና ህዝቦች በውህደት ስም ኢህአዴግን ለማፍረስ የሚደረገው እንቅስቃሴ ሓላፊነት በተሞላበት ተገቢውን ትግል እንድታደርጉ ህወሓት ጥሪውን ያቀርብላችኋል፡፡

የተከበራችሁ የኢትዮጵያ ብሄሮች፣ ብሄረሰቦችና ህዝቦች

ህገ መንግስታችንና ህብረ ብሄራዊ ፌደራላዊ ስርዓታችን የሚሸረሽሩና የሚጥሱ ተግባራት በየቀኑ ማየት የተለመደ ተግባር ሆኗል። በዚሁ ወቅት የትምክህት ሐይሎች በአመለካከትና በተግባራዊ እንቅስቃሴ ጉልበት ፈጥረው አገር የሚያምሱበት ሁኔታ ተፈጥሯል። በብዙ የአገራችን አከባቢዎች የሰላም እጦት እየተስፋፋ፣ በዚሁም ምክንያት ከጊዜ ወደ ጊዜ መንግስት የማይቆጣጠራቸው አከባቢዎች እየተበራከቱ ይገኛሉ። ለመብቱና ለማንነቱ ለታገለ ህዝብ በርካታ ግፍና በደል የሚፈፀምበት፣ ዜጎች በእርጋታ የማይኖሩበት፣ በማንነታቸው ምክንያት በዜጎች ላይ ግፍ የሚፈፀምበት፣ ለህይወታቸውና ንብረታቸው ዋስትና ያጡበት፣ በዚች አገር ታሪክ ታይቶ የማይታወቅ ህውከትና መፈናቀል የተበራከተበት፣ መንግስት የዜጎች ሰላምና ደህንነት ለመጠበቅ እየተቸገረ የመጣበት፣ ከዚህ አልፎም የአገሪቱ የመከላከያ ከፍተኛ አመራሮች እና የአማራ ክልል አመራሮች እስከመግደል ተግባር የተፈፀመበት፣ ሌላ ቀርቶ የነዚህ ምርጥ ጀነራሎችና መሪዎች ግድያ እንኳን በአግባቡ በማጣራት ለህዝብ ግልፅ ለማድረግ በማይቻልበት፣ የህግ በላይነት እየተጣሰ፣ የዜጎች ህይወት መጥፋትና መፈናቀል ማዳን የማይችል መንግስትና ስርዓት ወደ መሆን ተሸጋግረዋል ማለት ብቻ ሳይሆን ይህንን ለማስቆምና ለመግታትም ዋና ተግባሩ ያላደረገና ቁርጠኝነትም የሌለው ሆኗል።

የህዝብ መሰረታዊ ጥያቄዎችን ወደ ጎን በመተው ሌላ ጉዳይ ላይ በማትኮር የአገሪቱ ኢኮኖሚ እየተዳከመ ወደ ከፍተኛ ድቀትና ማሽቆልቆል እየገባ ነው። የአገሪቱ ልማት የሚመራውና የሚደግፈው አጥቶ፣ ልማታዊ አቅሞች እየመከነ፣ ስራ አጥነት እየተባባሰ፣ የህዝብ ኑሮ ውድነት ከጊዜ ወደ ጊዜ ሰማይ የሚሰቀልበት ሁኔታ ተፈጥሯል። በዚህ ምክንያትም ችግር በችግር ችግር እየተመሰቃቀለና እየተደራረበ በመሄድ ላይ ይገኛል። የህዝባችን ዋስትና የሆነው ህገ መንግስታችንና ህብረ ብሄራዊ ፌዴራል ስርዓታችን በማፍረስ አሃዳዊ ስርዓትን መልሶ ለመትከል እየሰራ ያለውና በዋናነት ይህንን አደጋና ጥፋት እየፈጠረና እየመራ የሚገኘው ትምክህተኛው ሀይልና በዙርያው የተሰባሰበ ፀረ ህዝብ ሐይል ነው።

በውስጣቸው ያለውን ድክመትና ፀረ-ህዝብ ተግባር ከመፍታትና ከማጥራት ይልቅ የሁሉም ችግር “ሶስተኛ ወገን አለው” የሚል የቆየ ዘፈን ሲደጋግሙ እየታየ ነው፡፡ ለአማራ ህዝብ የማይመለከተውና ያልተገባ ምስል እያስያዙና “ትምክህተኛ ተብለሃል!” እያሉ በዚህ ተሸፋፍነው በህዝቦች መካከል የቆየውን ዝምድናና ወንደማማችነት ለማደፍረስ እየጣሩ ይገኛሉ፡፡ የአማራ ህዝብ ትምክህተኞችን ታግሎ በእኩልነት የሚኖርባት አዲሲቷ ዲሞክራሲያዊት ኢትዮጵያ እንድትመሰረት የማይተካ ሚና የተጫወተ ህዝብ ነው፡፡ የትግራይና የአማራ ህዝቦች በጋራ ትግላቸው ትምክህተኛውን አሸንፈዋል፡፡ ለወደፊትም ቢሆን እነዚህ ህዝብ ለህዝብ አጋጭተው እንዲባላ በማድረግ መኖር የሚፈልጉና ሓላፊነታቸውን ትተው ለጥፋት የተሰማሩ ሓይሎች በተደራጀ መንገድ ሊታገላቸው ይገባል፡፡
መላው የሀገራችን ብሄሮች፣ ብሄረሰቦችና ህዝቦችም ህብረ-ብሄራዊ ፌዴራላዊ ስርዓታችንን ለማዳን በሚደረገው ወሳኝ ትግል ከማንኛውም ጊዜ በላይ አገራችንን ለማዳን ሊረባረብ ይገባል፡፡ሕብረ ብሄራዊ ፌዴራላዊ ሓይሎች የጀመራችሁትን ትግልና ሰፊ ትብብር መድረኮች አማራጭ የሌለው መሆኑን ተገንዝባችሁ ትግላችሁን አጠናክራችሁ ልትቀጥሉበት ይገባል፡፡ ህወሓትም የተጀመረውን ትግል ወደ ላቀ ደረጃ ለማሸጋገር የሚቻለውን ሁሉ እንደሚያደርግ ሊያረጋግጥላችሁ ይወዳል፡፡
በዚህ አጋጣሚ ሕገ-መንግስት፣ ሰላምና የህዝቦችና የአገርን ደሕንነት በመጠበቅ የላቀ ሓላፊነት ያለብህ የሀገር መከላከያ ሰራዊት፤ አገራችን እያጋጠማት ያለውን አደጋ በሚገባ ተገንዝበህ ከጥፋት ለማዳን እያደረገው ያለው ርብርብ፣ ለዚች ልዩ ታሪክና ክብር ያላት ሃገር ሉኣላዊነቷንና ሰላሟን በመጠበቅ ረገድ ዛሬም እንደወትሮ በላቀ ደረጃ ህዝባዊ ሓላፊነትህን ተቋማዊ እንድትህን አጠናክረህ በምታደርገው ሁለንተናዊ እንቅስቃሴም የትግራይ ህዝብና ህወሓት ከጎንህ ሆነው አስፈላጊውን ሁሉ እንደሚፈፅሙ ልናረጋግጥ እንወዳለን፡፡

በህገ- መንግስቱ መሰረት ስድስተኛው አገር አቀፍና ክልላዊ ምርጫ በያዝነው ዓመት የግድ መካሄድ ያለበት ነው፡፡ በመሆኑም ህወሓትና የትግራይ ህዝብ ምርጫው በወቅቱ እንዲካሄድ በተደጋጋሚ አቋማቸውን እየገለፁ ቆይተዋል፡፡ ይሁን እንጂ ምርጫው ለማካሄድ የሚያስችል ምንም ዓይነት ዝግጅት እየተደረገ አይደለም፡፡ “በቂ ዝግጅት አላደረግንም” ተብሎ ምርጫውን ለማራዘም የሚደረገው ጥረት ፈፅሞ ተቀባይነት ሊኖሮው አይችልም፡፡ በአገራችን ያሉ ተፎካካሪ ፓርቲዎች ነፃ የመወዳደር ዕድል አግኝተው ህዝብ በነፃ ፍላጎቱ የሚመርጠውን መንግስት ወደ ስልጣን እንዲመጣ በህዝብ ፍፁም ፈቃድ በስልጣን ላይ እንዲቆይ የሚያደርግ ህገ-መንግስታዊ መብት በጥብቅ መከበር አለበት፡፡ ይህ በማይሆንበት ወቅት መላው የአገራችን ህዝቦች መብታችሁንና ሕገ-መንግስታዊ ስልጣናችሁን አደጋ ላይ እየጣለ መሆኑን አውቃችሁ የላቀ ትግል ልታደርጉ በሚጠይቅ አስገዳጅ ጊዜ ላይ እንገኛለን።

የተከበርክ የኤርትራ ህዝብ
የትግራይና የኤርትራ ህዝብ ለጋራ መብትና ጥቅም በጋራ የታገሉ ወንድማማች ህዝቦች ናቸው፡፡ የነበረውና አሁንም ያለው ዝምድናና መደጋገፍ ወደ ዘላቂ አስተማማኝ ደረጃ ለማድረስ ባለፈው ዓመት የተጀመረው የሰላም ጭላንጭል በዚህ ዓመትም ተጠናክሮ ሊቀጥል ይገባል፡፡ በጋራ ለዘላቂ ሰላም ተደጋግፈን ልንሰራ ይገባል፡፡ የጀመርነው አዲስ እፎይታና ሰላም ዋስትና ያለው እንዲሆንም የሁለቱም ህዝቦች ትስስርና ግንኙነት እንዲጠናከር መስራት አለብን፡፡ የትግራይ ህዝብና ህወሓትም ይህንን ለማጠናከር ከነሱ የሚፈለገውን ሁሉ እንደሚፈፅሙ ደጋግመን ልናረጋግጥልህ እንወዳለን፡፡

የማንሻገረው ፈተና አይኖርም
ዘልአለማዊ ክብርና መጎስ ለስማእቶቻችን!
የህወሓት ማእከላይ ኮሚቴ
ጥቅምት 4/ 2012 ዓ/ም
መቐለ

No photo description available.

9 Responses to የህወሓት ማእከላዊ ኮሚቴ መግለጫ

  1. Medemer is said to be an excellent novel written by the one and only Nobelity-Abiy Ahmed that clearly guides the publi in identifying the trouble makers amongst ourselves. . Ever since this fanatic Addis Ababa KINIJIT vigilantes got let in to Ethiopia with mercy , the Kinijit cadres had been creating unrests allover the country. The whole world is happy to dump Kinijit cadres back to Ethiopia where the famous Nobelity-Abiy Ahmed accepted them back winning himself prizes such as the Nobelity for it.

    In Addis Ababa children of the honest hardworking poor were said to be overqualified for free food doomed to continue starving, while the children of Kinijit ginbot7 affiliated corrupt tax evaders career Arab maids got qualified for free food.

    Avatar for Gashaw

    Gashaw
    October 16, 2019 at 1:37 pm
    Reply

  2. TPLF’s leaders are amnesic. It sits on Eritrean land which it occupies contrary to a boundary commission’s ruling and calls them BROTHERS. What a joke? Read the following funny extract from TPLF press release published above.

    የተከበርክ የኤርትራ ህዝብ

    የትግራይና የኤርትራ ህዝብ ለጋራ መብትና ጥቅም በጋራ የታገሉ ወንድማማች ህዝቦች ናቸው፡፡ የነበረውና አሁንም ያለው ዝምድናና መደጋገፍ ወደ ዘላቂ አስተማማኝ ደረጃ ለማድረስ ባለፈው ዓመት የተጀመረው የሰላም ጭላንጭል በዚህ ዓመትም ተጠናክሮ ሊቀጥል ይገባል፡፡ በጋራ ለዘላቂ ሰላም ተደጋግፈን ልንሰራ ይገባል፡፡ የጀመርነው አዲስ እፎይታና ሰላም ዋስትና ያለው እንዲሆንም የሁለቱም ህዝቦች ትስስርና ግንኙነት እንዲጠናከር መስራት አለብን፡፡ የትግራይ ህዝብና ህወሓትም ይህንን ለማጠናከር ከነሱ የሚፈለገውን ሁሉ እንደሚፈፅሙ ደጋግመን ልናረጋግጥልህ እንወዳለን፡፡

    Contrary to what TPLF says, ባለፈው ዓመት የተጀመረው የሰላም ጭላንጭል was between Ethiopia – less Tgray – and Eritrea. Ethiopia – less Tgray – withdrew from land decided Eritrean which TPLF occupies to this day. ከነሱ (TPLF) የሚፈለገውን is unconditional complete withdrawal.

    Avatar for Hadash Mekele

    Hadash Mekele
    October 16, 2019 at 2:02 pm
    Reply

  3. ወያኔ ሀሳብ እንዳለቀበት እና የአእምሮ መቀንጨር እንዳጋጠመው የሚያሳይ መግለጫ ነው ለኔ!!! የሰሩት ሀጢያት እና በሙስና የያዙት ብር እስኪያልቅ ድረስ ኢትዬጲያን ለማተራመስ መነሳታቸውን የሚያሳይ መግልጫ ነው!ሌባ ሊያዝ ሲል የሚናገረው የተወሰኑ ግለሰቦች ንግግር እና መግለጫ እንጂ የትግራይ ህዝብን የማይወክል ነው! አንድነት ሀገር ፍቅር ሰላም ማይስማማው እስኪ የሰው አእምሮ ላለው የምን አስተሳሰብ ነው??? የሳጥናየል እንደምትሉኝ100% እርግጠኛ ነኝ! ይህ ድርጅትም አስተሳሰቡ እና መግለጫው ሰይጣናዊ አላማ ያለው! አማራጭ ያጣ ተቋም መሆኑ ይታይበታል! ጊዜ ሳይረፍድ ለለውጥ ቢዘጋጅ ይጠቅመዋል እውነት በትክክል ለትግረይ ህዝብ ሚያስብ ከሆነ! ነገር ግን አላሜው የሸፍጥ የተንኮል የነገር እንደሆነ ቁልጭ አድርጎ ይናገራል!!! ጉልበት የእግዚአብሔር ነው! ሁሉም በሸታ አለ!!! ጌታ እውነቱን ስለሚያውቅ ለሚገባው ሚገባውን መስጠቱቱ አይቀርም!!! No more woyane!!!

    Avatar for Babillon Jutass

    Babillon Jutass
    October 16, 2019 at 2:49 pm
    Reply

  4. አይ የፓለቲካ ሽርሙጥና አሁን ማን ይሙት ወያኔ ለትግራይ ህዝብ ገዶት ያውቃል? የህወሓት ማእከላዊ ኮሚቴ ያወጣው መረጃ ከራሱ ጋር የተጣረሰ ነው። አኖሌን አቁሞ ህዝባችንን ለ 27 አመት ሲረግጥና ኢ-ሰብአዊ ተግባር ሲፈጽም የኖረና ያለ ድርጅት ነው። ትላንት እና ዛሬም በትግራይ ህዝብ ጀርባ ላይ የሚፈነጨው ወያኔ ሃርነት ትግራይ በምንም ሂሳብ ለሰዎች መብትና ነጻነት በመቆም ጨቋኞቹን ሞግቶ አያውቅም። ምርጫ ይሁን እያለ ሌሎች በነጻነት እንዳይንቀሳቀሱ አፍኖ እኔን ብቻ እዩኝ። የሚያድናቹሁ እኛ ብቻ ነን። የአማራ ህዝብ፤ በኤርትራ መንግሥት ተከበናል፤ የጠ/ሚር አብይ መንግሥት ሊያጠፋቹሁ ነው እያለ ጦርነት የሚቀሰቅሰው ወያኔ ብቸኛ የትግራይ ህዝብ ተጠሪ እና መከታ እኔ ነኝ በማለት ሰላም እንዳይኖር እሳት እየጫረ እና እያስጫረ ለመሆኑ ዓይን ያለው ያያል።
    ወያኔ በቅርብ ካደረጋቸው ድርጊቶች እንነሳ በዶ/ር ደብረጽዪን ጥሪ የፓኪስታን፤ የሲሪላንካ፤ የቱርክ፤ የአዘርባጃን እና የኢንዶኔዚያ አምባሳደሮችን በመጋበዝ በመቀሌ መስጊድ እና ሌሎችም ስፍራዎችን እንዲጎበኙ አድርጓል። ይህ ትግራይን ለመገንጠል የተደረገ ዲፕሎማሲ ነው። የሚገርመው ግን ሁሉም አንድ የሚያረጋቸው ነገር አለ። የእስልምና ተከታይ ሃገሮች ናቸው። ዶ/ር ደብረጽዪን ከራሱ ሆድ በስተቀር ለሃገርም ሆነ ለትግራይ ህዝብ አስቦ አያውቅም። እያምታታ ለመኖር የሚተልመው ብልሃት አሁንም ሆነ በፊት ለህዝብ ጠቅሞ አያውቅም። ሰፊው የትግራይ ህዝብ፤ የኢትዮጵያ ህዝብ፤ የኤርትራ ህዝብ እያሉ ማምታታት ተገቢ አይደለም። እንደ ጅራፍ ራሱ ገርፎ ራሱ መጮህ ብቻ ነው። ሃገር ይፈርሳል እያሉ አፍራሽ ተግባር የሚፈጽመው ወያኔ ጭራሽ ልብ የለውም። መጡቧቹሁ እንደራጅ፤ መንገድ ተዘጋ፤ ከኤርትራ በኩል ወረራ ሊመጣ ነው፤ የአማራ ህዝብ ሊወጋህ ነው የሚል በህልም ዓለም ያለ ድርጅት ሃገር ሊፈርስ ነው ብሎ መግለጫ ማውጣቱ ቀልድ እንጂ እውነትነት የለውም። የትግራይ ህዝብ ወያኔን አክ እንትፍ ብሎታል። ማወቅ ከፈለገ የታጠቀውን መሳሪያ እና የአፈና ቡድኑን ያፍርስና አንድ ቀን እንኳን በስልጣን ላይ መቆየት አይችልም። ህዝቡ መሮታል። ግን እነ አቦይ ስብሃት የሚያዪት ዓለም የማይዳሰስ በመሆኑ እኛን ብቻ አምልኩ ነው ነገሩ።
    ሃገር በሰላም እንድትቀጥል ከተፈለገ በየክልሉ ማቅራራት እና ኑና ግጠሙኝ ማለትን ማቋም አለብን። ወያኔ እና የኦነግ ጭፍሮች እያሉ ግን ሃገሪቱ ሰላም ይኖራታል ብሎ ማመን ደመናን ለመዝገን እንደመሞከር ነው።

    Avatar for Tesfa

    Tesfa
    October 16, 2019 at 3:12 pm
    Reply

  5. Interesting!! The TPLF’s babbling or prating is simply showing that pleading to Esayas Afeworkie if he can establish a good rapport again to climb to the power, which will never happen. “Game is Over.” All Ethiopians know that Esayas was the one who brought the TPLF to run the whole of Ethiopia. The TPLF tries to outsmart the Eritreans as if they are important, and the TPLF forgot that they said one time they broke the backbone of Esyas Afeworkie that he will never survive again. Now, Esayas is proving still in a good position. of course, Esayas is certainly not stupid!
    I am tired of hearing the propaganda of the TPLF that if Tigray breaks away from Ethiopia, Ethiopia will vanish from the face of the world. This is a long time the TPLF’s wishes that Ethiopia will not survive as a country if the TPLF runs the country. Go ahead and do it; Ethiopia definitely will remain strong more than ever. Good luck the TPLF!!!

    Avatar for Tizita

    Tizita
    October 16, 2019 at 7:32 pm
    Reply

  6. The statement shows that the TPLF is desperate and wants to use the people of Tigray as its last refugee. Its call to the Eritreans will not be received with good faith because they know the sinister and eveil motives of the TPLF. It deprted tens of thousands of Eritreans and robbed them of their properties. What the TPLF did to Eritreans was what the naziz did to the Jews short of genocice.
    In the end the desperate TPLF will end up massacring the Tigray people it is using as human shields now.

    Avatar for Benyam

    Benyam
    October 17, 2019 at 3:51 am
    Reply

  7. Sorry, I meant that this is a long time the TPLF’s wishes that Ethiopia will not survive as a country if the TPLF cannot run the country.

    Avatar for Tizita

    Tizita
    October 17, 2019 at 5:37 am
    Reply

  8. የትግራይ ክልል ትምህርት ቢሮ ኃላፊ ገ/መስቀል ካሕሳይ ትናንት እንደተናገሩት “ማንነትን መሰረት ያደረጉ ጥቃቶች ወደ ሚሰነዘሩባቸው ዩኒቨርሲቲዎች እና ኃላፊነት ወደማይወስድ ክልል አዲስ ተማሪዎችን ላለመላክ የክልሉ አቋም ነው” ሲሉ ተናግረዋል። ይህን አስከትለው በዚህም መሰረት የክልሉ አቋም ነው ያሉትን አማራ ክልል የተመደቡ 600 የሚደርሱ ተማሪዎችን ወደዚያ እንደማይልኩ ለሚመለከተው የፌደራል መንግሥቱ አካል ማሳወቃቸውን ገልጸዋል።
    የአማራ ክልል ይህን ስም ማጥፋት ቀደም ብሎ ሰምቶ ዝም ማለቱ አስገራሚ ነው፡፡ ሳከት ሚኒስቴር በጉዳዩ ላይ መልስ ቢሰጥም የአማራ ክልሉ ግን ሌሎች ጭምር እንዲያምጹበት–“ማንነትን መሰረት ያደረጉ ጥቃቶች ወደ ሚሰነዘሩባቸው–እያሉ ሆን ተብሎና ታቅዶ ሴራ ሲሰራበት ዝም መሰኘቱ ገራሚ ነው፡፡ በእውነት በክልሉ ላይ የትግራይ ሃላፊዎች በየአጋጣሚው ሁሉ ተመሳሳይ ደባዎች እየሰሩበት ነው፡፡ ህዝቡ ምን እንዳደረጋቸው ቢነግሩን ጥሩ ነበር፡፡ የክልሎቹ ገዢ ፓርቲዎች ለአመታት አብረው ሲያቦኩ ነበር፣ ዛሬ በገቡት እሰጥእገባና የስልጣን ሽሚያ እኛን ምን አድርጉ ነው የምትሉት፡፡ ፓርቲዎቻችሁን ስትመሰርቱም ሆነ ለአመታት ስታምሱን አማክራችሁን አይደለም፡፡ እዛው በጸበላችሁ፡፡
    ባለፈው ጌታቸው እረዳ ህዝቡን አምነን ምርጫው መካሄድ አለበት ሲል ነበር፡፡ ይህ ለመፈጸም ያልፈራችሁ የአማራን ህዝብ አምናችሁ ለምን ተማሪዎችን አትልኩም፡፡ አላማው ክልሉን ለማስጠቆር (በአገርና በአለምአቀፍ ደረጃ) እንጂ ለነገሩማ ከ8000 በላይ የትግራይ ክልል ተማሪዎች በተለያዩ የአማራ ክልል በሚገኙ ዩኒቨርሲቲዎች ከ2ኛ -5ኛ አመት ድረስ እየተማሩ ይገኛሉ፡፡
    በክልል መንግስት ደረጃ ተማሪዎቼ በሌላ ክልል (በአመራም ሆነ በሌላ) መማር የለባቸውም ብሎ የወሰነ የመጀመሪያው በመ፣ሆናችሁ እያዘንን ምን ያህል አገርን ለመለያየት፣ ህዝብን ለማቃቃርና አንድን ህዝብ በሌላው ለማስጠቆር እየሰራችሁ እንዳለ ከዚህ በላይ ማሳያ አይገኝም፡፡ ያማል፣ ያሳዝናል ያሳፍራል

    Avatar for Nazrawi

    Nazrawi
    October 18, 2019 at 7:21 am
    Reply

  9. “Security forces of Tigrai are well trained and fully armed to defend the state.” Syndrome Ali Comical a’la Saadam ብቻ ተብሎ ግንዛቤ ሊያገኝ የሚገባው ፉከራ of TPLF on TOL. Please stay realistic! ምነው ታድያ Yamamoto ካለአንዳች ሽጉጥም ወደ መቐለ ሲያሽቀነጥራቸው trained መሆናቸውን አላስመሰከሩ!!!???

    Avatar for ዘረ-ያዕቖብ

    ዘረ-ያዕቖብ
    October 18, 2019 at 9:28 am
    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.