በኢትዮጵያ ኦርቶዶክስ ተዋህዶ ቤተክርስቲያን ላይ እየተደረገ ያለው አውዳሚ እና አደገኛ ጥቃት – መስከረም አበራ

Filed under: ነፃ አስተያየቶች |

በኢትዮጵያ ኦርቶዶክስ ተዋህዶ ቤተክርስቲያን ላይ እየተደረገ ያለው አውዳሚ እና አደገኛ ጥቃት እጅግ በጣም አሳሳቢ፣ጊዜ ሊሰጠው የማይገባ ችግር ነው።

በቤተክርስቲያኗ ላይ የተቃጣው አደጋ የሚያሳዝነው የኦርቶዶክስ ተዋህዶ ተከታዩን ክርስቲያን ብቻ አይደለም ይልቅስ ነገሩ መላውን የክርስትና ሃይማኖት ተከታይ እያስጨነቀ ያለ ጉዳይ ነው።ከክርስቲያኑ አልፎ ሙስሊም ወገኖቻችንም ይህን ድርጊት እያወገዙ ነው።

ክርስቲያኑ ህዝብ በቤተክርስቲያኗ ላይ የተቃጣው ትልቅ አደጋ፣የአማኞች እና አገልጋዮች አሰቃቂ ሞት ምንያህል እንዳስከፋው ለማወቅ ራሴ በዚህ ወቅት የሚሰማኝን መጥፎ ስሜት ማድመጥ ለኔ በቂዬ ነው። ከወዳጆቼ ጋር ስጨዋወት የማየው መሪር ስሜት ደግሞ በጣም አስጨናቂ ነው።

ሆኖም ክርስቲያኑ ህዝብም ሆኑ መሪ የሃይማኖት አባቶች ሃዘናቸውን በምህላ በፀሎት በሃዘንለፈጣሪ ከማሰማት በቀር ወደ ማንም ምንም አላሉም።ይህ ሰላማዊነት ከጥልቅ መንፈሳዊነት የመነጨ አስተውሎ ነው።ሆኖም ሁሉም ገደብ አለው! በትዕግስት እና ፍርሃት መካከል ያለው ልዩነት ደግሞ ለሁሉም አይገለጥምና ደም አፍሳሾች አሁንም ትምክህታቸው በማረጃቸው ላይ ሆኖ ቀጥሏል። ጉብዝናቸውን በቤተክርስቲያን ላይ እሳት በመልቀቅ እየተመኑ ነው።ሴትን ልጅ ሳይቀር በድንጋይ ወግሮ መግደል የደም አፍሳሹ ፖለቲካቸው እድገት መጨረሻ ነው።

ይህ የእነሱ አውሬነት መጨረሻ የክርስቲያኑ ህዝብ ትዕግስት ማለቅ መጀመሪያ ሊሆን ይችላል። ያኔ ሃገር ትነዳለች፣ነዳ ስትንቦገቦግ እሳት የማይበላው ይኖር እንደሆን እናያለን።

ፍቅር እና ትዕግስት ከፍታ ነው፤ከፍታው ሲወርድ ፀብ ይሆናል። ወደ ፍቅር መውጣት እንጅ ወደ ፀብ መውረድ የሚያቅተው የለም።ቁልቁለቱ ገሃነብ እሳት እንደሆነ የገባው ብቻ በፍቅር፣በትዕግስት፣በፀሎት፣በምህላ ይቆያል።ይህ ግን ፍርሃት ወይም ጉልበት ማጣት አይደለም።ሌላው ቢቀር በደል ፣ዋስትና ማጣት ራሱ የሚያመነጨው ጉልበት አለ።ይህ ጉልበት የሚያመጣው ጥፋት ስላልተፈለገ እንጅ ርካሽ መሳሪያ ወድሮ ወደ ቁልቁለት መሮጥ ከብዶ አይደለም!

ክርስቲያኑ ህዝብ ግን ወደ ቁልቁለቱ ሳይሆን ወደ ከፍታው በህብረት ማዝገም አለበት።ህብረቱ ደግሞ በጎንደር እና በሻሸመኔ ክርስቲያኖች ሃዘናቸውን እየገለፁ ያሉበትን መንፈሳዊ እና ሰላማዊ ህብረት በመላ ሃገሪቱ ማድረግ ነው።ማቅ በሚያስለብስ ዘመን ጥቁር መልበስ አያስደንቅም።ሌላው ቢቀር በልብሳችን የልባችንን እንግለፅ፣እንደ ባለ አእምሮ መክረን ሰይፍን በጨዋነት እናሸንፍ።እርግብም እባብም እንድንሆን ነው የተነገረን!

2 Responses to በኢትዮጵያ ኦርቶዶክስ ተዋህዶ ቤተክርስቲያን ላይ እየተደረገ ያለው አውዳሚ እና አደገኛ ጥቃት – መስከረም አበራ

  1. This lady is out of touch!

    You cannot beat rabid beasts with wearing dark and white clothes. God has told us to help him so that he can help us. kneeling on the ground is not helping him. Fighting devil by any means a lot of help for him.

    He is not going to help you until you help him fighting devil. You should start fighting the devil beasts because that is the only language they understand.

    Beasts do not understand praying or face book warriors like Meskerem.

    Amara youth! she is preparing you to be dinner for the beasts. Do not listen to this Facebook and television celebrity lady. If you want to live in this world, you must fight devil! fight beasts like your grand parents! Thanks

    Avatar for Girma

    Girma
    November 15, 2019 at 8:45 pm
    Reply

  2. Every Antichrist attack against chrisianity is part of the grand plan already written in the following protocols of satan. http://www.biblebelievers.org.au/przion1.htm

    Avatar for Wakeup

    Wakeup
    November 15, 2019 at 11:36 pm
    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.