እየደመሩ ማፍረስ፤ እያፈረሱ መደመር – ያሬድ ሃይለማሪያም

Filed under: ነፃ አስተያየቶች |

የኢትዮጵያ ሉዓላዊነት እና አንድነት ከአንድ ፓርቲ ህልውና፣ ውህድ መሆን ወይም ፍቺ ጋር መያያዙ እጅግ ያሳዝናል። ኢህአዴግ ዛሬ አጋሮቹን በውህድ የሚደምርበት፤ መስራቿን ህውሃት የሚቀንስበት ደረጃ ላይ ደርሷል። የህውሃትን መደመርም ሆነ መቀነስ የድርጅቶች ጉዳይ ብቻ አድርጎ ማየት የዋህነት ብቻ ሳይሆን አገሪቱ የተደገሰላትንም በቅጡ አለመረዳት ይመስለኛል።

የኢህአዴግ ውህድ ፓርቲ መሆን ለአገሪቱ ፖለቲካ መሻሻል ትልቅ ፋይዳ ያለውን ያህል ውህዱ ሁሉኑም የድርጅቱን አካላት አሳፍሮ መቀጠል አለመቻሉ ደግሞ ብዙ መዘዞች እንዳሉት በቅርቡ “የኢህአዴግ ውህድ መሆን እንድምታዎቹ” በሚል አጭር ጽሑፍ በዝርዝር ለማስቀመጥ ሞክሬያለሁ። አንዱ መዘዝ እንግዲህ ሰሞኑን ከመቀሌ የተሰማው የde facto state ሆኖ መቀጠል ጉዳይ ነው።

ብዙዎች እንደ ሰበር ዜና ሲያወሩት አስገርሞኛል። ትግራይ እኮ de facto state ከሆነች ውሎ አድሯል። የፌደራል መንግስቱ በትግራይ ላይ ሥልጣኑን ካጣ ቢያንስ ከአመት በላይ ሆኖታል። ይህንን በተደጋጋሚ በጽሁፎቼም ውስጥ አንስቼዋለው። የአብይ ጠቅላይ ሚኒስትርነት ትግራይን እንደማይጨምር ብዙ ምልክቶችን እኮ ስናይ ቆይተናል። ትግራይ ላለፉት ሁለት አመታት በህውሃት እና በህውሃት ብቻ ነው ስትተዳደር የቆየችው።

ዲፋክቶ ስቴት ሆኖ ለመቀጠል የሚያስችሏት ነገሮችም ቀድሞውንም የተመቻቹላት እና የተሟሉላት ክልል ነች። የታወቀ ድንበር ወይም አከላለል (a defined territory), የታወቀ የክልሉ ነዋሪ (a permanent population)፣ በመንግስት ቅርጽ የተዋቀረ መንግስታዊ አስተዳደር (a government) እና ከሌሎች አገሮች ጋር የመደራደርና ግንኙነት የመፍጠር አቅም ያለው (a capacity to enter into relations with other states) በቅርቡ የክልሉ መንግስት አዲስ አበባ የሚገኙ የውጭ አገር ቆንጽላዎችን መቀሌ ድረስ ጋብዞ ያደረገው ውይይት ይህን አቅም የማሳያ አንዱ ምልክት ይመስላል።

እኔ ዛሬ ከአብይም ሆነ ለውጡን ከሚመሩት ሰዎች ብሰማ ደስ የሚለኝ ከዚህ ውህደት በፊት ትግራይን ወደ መሃል ለማምጣት እና ውጥረቱን በአገር ውስጥም ሆነ በውጭ ሸምጋዮች ለመፍታት የሄዱትን እርቀት እና ያደረጉትን ጥረት በዝርዝር ቢያስረዱኝ ነው። ለእኔ እንደሚገባይ ከሄዳችሁም ሂዱ የሚለው መንገድ ቀድሞም የተመረጠ ይመስላል። እንዲያ ከሆነ ከህውሃት ጋር ዛሬ የሚደረገው ውይይት ስንብቱን በግላጭ ማድረግ ብቻ ነው።

የኢህአዴግ ወደ ህብረብሔራዊ ውህድ መሄድ ለአገር ሊበጅ እንደሚችል ምንም ጥርጥር የለውም። ነገር ግን ይህ ተስፋ በተሳካ ሁኔታ እውን ሊሆን ይችል የነበረው ህውሃትንም ባካተተ መልኩ ቢሆን ነበር። የህውሃት ማፈንገጥ አንድም ቀድሞውንም ድርጅቱ በግማሽ ልብ ኢትዮጵያን እያስተዳደረ በይደር ያቆየውን የመገንጠል ህልም እውን ለማድረግ ይህን የውህድ ክስተት እንደ ገፊ ምክንያት የወሰደው ይመስላል። አለያም ኢትዮጵያ እንደ አገር እንዳትቀጥል እና በቅርቡ መቀሌ ላይ እነ ፕ/ር እስቂየል እና በቀለ ገርባ ሲዶልቱበት የነበረውን የኮንፌዴሬሽን ፕሮጀክት እውን ለማድረግ ያለመ ነው የሚሆነው።

የኮንፌዴሬሽን ፕሮጀክት አካል ከሆነ ገና ስንናጥ መክረማችን ነው። የትግራይን ፈለግ የሚከተሉ እና እራሳቸውን እያሟሟቁ ያሉ ብዙ ኃይሎች አሉና። ለማንኛውም፤

+ ህውሃት ከውህዱ ካፈነገጠች ከዚህ በኋላ በትግራይ ክልል እና በቀረው የአገሪቱ ክፍል መካከል ያለው ግንኙነት ምን ሊሆን ይችላል?

+ ህውሃት ትግራይን አሳልፎ ይሰጣል ወይ? ነጻ ምርጫ በክልሉ ውስጥ እንዲካሔድ ይፈቅዳል ወይ? ካልፈቀደስ?

+ የትግራይን ሕዝብ ከህውሃት ማን ነው የሚያላቅቀው? ወይስ እራስህን ነጻ አውጣ ተብሎ ይተዋል?

የፓርቲ ህልውና እና የአገር ህልውና በአንድ ቅርጫት ውስጥ ሲቀመጥ መዘዙ ብዙ ነው። ያ ደግሞ ሆነ ተብሎ ለብዙ አመት የተሰራበት ትልቅ ፕሮጀት ነው። እንግዲህ ቀጣይዋን ኢትዮጵያ ምን ትመስል ይሆን?

ኢትዮጵያ ዛሬም የሕዝቦቿ አልሆነችም። ጥቂት ግለሰቦች እና ድርጅቶች በቁመናዋ ላይ፣ በወደፊት እጣ ፋንታዋ ላይ፣ በሉአላዊነቷ ላይ፣ በሕዝቧ ኑሮ ላይ በር ዘግተው ይወስናሉ።

 

3 Responses to እየደመሩ ማፍረስ፤ እያፈረሱ መደመር – ያሬድ ሃይለማሪያም

  1. የአዲስ አበባ ከተማ አስተዳደር የባለሀብቶች ፎረም ከመሬት፣ ከመሠረተ ልማትና ከፋይናንስ ጋር የተያያዙ ጥያቄዎች ሲነሱ፣ ከባለድርሻ አካላት ጋር ተነጋግሮ መፍትሔ ለመስጠት፣ የአዲስ አበባ ከተማ አስተዳደር ባለሀብቶች ውጤታማ ተግባር እንዲያከናውኑ እንደሚያስችላቸው፣ የሚነሱ ጥያቄዎችን በተናጠል ከመመለስ ይልቅ በተደራጀ መንገድ ለማስተናገድና ፍላጎታቸውን በማሟላት አሠራሩን የተሻለ እንደሚያደርገው ተገልጿል እስከዚያ ከመንቀሳቀስ የባለሀብቶች መደራጀት ጠቃሚ መሆኑ ሕገወጥ ኢንቨስትመንትን በማስቀረት ወደ ሕጋዊ መንገድ ለማምጣት የውጭ ምንዛሪ ለማሻሻል ከፍተኛ አስተዋጽኦ እንዳለውም በአዲስ አበባ ከተማ አስተዳደር የኢንቨስትመንት ኮሚሽን ፈቃድ የወሰዱ ከ48,000 በላይ ባለሀብቶች የፌዴራል መንግሥት በክልሎች የሚዘረጋቸውን የመሠረተ ልማት አውታሮች ፍትሐዊ ሥርጭት የሚከታተል ኮሚሽን የሚያቋቁም ከአራት ቢሊዮን ዶላር በላይ ወጪ የተፈጥሮ ጋዝ ማስተላለፊያ መስመር ለመዘርጋት የሚያስችለው የአዲስ አበባ ከተማ አስተዳደር የባለሀብቶች ፎረም የቴሌኮም ዘርፉን የሚቀላቀሉ ሁለት ኩባንያዎች የዘመናዊ ስናይፐር የጦር መሣሪያ ተጓዳኝ ዕቃዎች እንደሚሰጣቸው በእነ አቶ ጌታቸው አሰፋ መዝገብ ለምስክርነት የተቆጠሩ 30 ምስክሮች ታስረው እንዲቀርቡ የፌዴሬሽን ምክር ቤት ዘርፉን ሲያወዛግብ የቆየውን አስገዳጅ የሰበር ውሳኔ አሳለፈ::

    Avatar for ብሩክ

    ብሩክ
    November 17, 2019 at 12:20 pm
    Reply

  2. kGonder ketekze wenze ena endhehum kewollo Aashege hayek DERES YALCHUN WESEN YEZACHU ENDEHUM BADEMEN LEALKOCHAGHU MELSACHU ZARE BETHEDU DESTACHEN WESSEN YELWM ESHIIIIIIIIIIIIIIIIIII BARGEW AMLAK BARGEW ALE ZEFANGU3

    Avatar for wedi eri

    wedi eri
    November 18, 2019 at 1:42 am
    Reply

  3. The Debtsraist is crying loudly and making noises. He he is seeking a help from the western socities gor his injustice and inhuman acts. But there is no foolish western socities who can by his cheap propaganda.

    Avatar for Gamadaa

    Gamadaa
    November 18, 2019 at 2:09 am
    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.